Янгиликлар
31
Notariat, advokatura hám huqıqıy xızmet kórsetiw tarawında ámelge asırılǵan jumıslar
Notariat advokatura hám huqıqıy xızmet kórsetiw tarawında ámelge asırılǵan jumıslar
Bul baǵdarda ministrlik tárepinen 2023-jıl dawamında bir qatar jumıslar ámelge asırıldı.
Huqıqıy xızmet kórsetiw tarawında:
Notariat institutın rawajlandırıw, tarawdı ele de jetilistiriw maqsetinde bir qatar normativ-hújjetler qabıl etildi.
Maǵlıwmat ushın: házirde Qaraqalpaqstan Respublikasında 61 jeke ámeliyat penen shuǵıllanıwshı notariuslar óz jumısların alıp barmaqta.
Ózbekstan Respublikası “Mediaciya haqqında”ǵı Nızamına muwapıq ministrlik tárepinen professional mediatorlar reestri júrgiziliwi jolǵa qoyılǵan hám mediatorlardı tayarlaw arnawlı oqıw kursların tamamlaǵan jámi 61 jeke ámeliyat penen shuǵıllanıwshı notariuslar professional mediatorlar reestrine kirgizildi.
Advokatura tarawında:
Búgingi kúnde respublika aymaǵında jámi 167 advokatlıq dúzilmelerinde 194 advokatlar xızmet kórsetpekte.
2023-jılda jámi 45 talabanǵa advokatlıq litsenziyaları berildi.
Yuridikalıq xızmetler orayları iskerliginde:
Ózbekstan Respublikası Prezidentiniń 2021-jıl 29-iyun kúni qabıl etilgen “Mámleketlik uyımları hám shólkemlerine yuridikalıq xızmet kórsetiw iskerligin ele de jetilistiriw ilajları haqqında”ǵı PQ-5168-san qararına tiykar, 2021-jıldıń 1-oktyabr sánesinen baslap ministrlik rayon (qala) ádillik bólimleri quramında 17 Yuridikalıq xızmet kórsetiw orayları shólkemlestirildi.
Búgingi kúnde Yuridikalıq xızmet kórsetiw orayları tárepinen 20 mámleketlik uyım hám shólkemlerge, sonıń menen birge 726 mámleketlik ulıwma bilim beriw mektepleri, 436 mámleketlik mektepke shekemgi bilimlendiriw shólkemleri hám de 97 kóp tarmaqlı oraylasqan hám shańaraqlıq poliklinikalarǵa yuridikalıq xızmet kórsetilmekte.
2023-jıl dawamında usı Oraylarǵa huquqıy ekspertizadan ótkeriw ushın 605559 hújjet joybarları kelip túsken bolıp, sonnan
382080 buyrıq joybarları hám 222511 shártnama joybarları bolıp tabıladı.
Bunnan tısqarı, Oraylar tárepinen yuridikalıq xızmet kórsetiletuǵın shólkemler xızmetkerlerine hám de ǴXQ hám sotsiallıq tarmaqlar arqalı 17 mıńnan artıq huqıqıy úgit-násiyat ilajları ótkerdi.
Mámleketlik uyımları hám shólkemleri yuridikalıq xızmeti iskerliginde:
Ózbekstan Respublikası Prezidentiniń 2017-jıl 19-yanvardaǵı
PQ-2733-sanlı Qararı menen Ózbekstan Respublikası Ádillik ministrligi yuridikalıq xızmetler iskerligin muwapıqlastırıw hám metodikalıq támiyinlew, olardıń xızmetkerlerin attestaсiyadan ótkeriw hám mamanlıǵın asırıw boyınsha arnawlı wákillik organ yetip belgilendi.
Qarar menen mámleketlik shólkemlerı hám uyımlarınıń yuridikalıq xızmeti xızmetkerlerin lawazımǵa tayınlaw hám lawazımnan azat etiw máseleleri májburiy tártipte ádillik uyımları menen kelisiliwi, mámleketlik shólkemleri hám uyımlarınıń yuridikalıq xızmeti xızmetkerleri nızamshılıqta belgilengen tártipte hár úsh jılda keminde bir ret mamanlıǵın asırıwı hám de hár úsh jılda bir ret attestaciyadan ótiwi, mámleketlik shólkemleri hám uyımlarınıń yuridikalıq xızmeti xızmetkerlerine ádillik uyımları xızmetkerlerine belgilengen mártebe dárejeleri beriliwi, kóp jıllıq xızmeti ushın ústemelerdi tólew tártibi qollanıwı belgilendi.
Qaraqalpaqstan Respublikası Ádillik ministrligi tárepinen yuridikalıq xızmet tarawındaǵı nızamshılıq hám húkimet qararları talapların orınlaw maqsetinde 2023-jılda kólemli isler ámelge asırıldı.
Atap aytqanda, Ádillik ministrligi tárepinen usı dáwir ishinde mámleketlik shólkemleri hám uyımlarınıń yuridikalıq xızmeti xızmetkerlerin lawazımǵa tayınlaw boyınsha 53 talabanlar sáwbetten ótkerildi, 38 yuridikalıq xızmet xızmetkerleri attestaciyadan ótkerildi, 20 xızmetkerge arnawlı mártebe dárejeleri beriliwi támiyinlendi.
Qaraqalpaqstan Respublikası Ádillik ministrligi P.Kojametov
Notariat, advokatura hám huqıqıy xızmet kórsetiw
bólimi baslıǵı