Янгиликлар
30
Moynaq rayonı ádillik bólimi yuridikalıq xızmet kórsetiw orayı tárepinen 2023 jıl dawamında alıp barılǵan jumısları haqqında
Moynaq rayonı ádillik bólimi yuridikalıq xızmet kórsetiw orayı tárepinen 2023 jıl dawamında alıp barılǵan jumısları haqqında
M A Ǵ L Í W M A T
Ózbekstan Respublikası Prezidentiniń «Mámleketlik uyımları hám mekemelerine yuridik xızmet kórsetiwdi jánede jedelestiriw is-ilájları haqqında»ǵı 2021-jıl 29-iyun kúngi PQ-5168-sanlı qararına muwapıq 2021-jıl 1-oktyabr kúninen baslap Qaraqalpaqstan Respublikasi Ádillik Ministrligi Moynaq rayonı ádillik bólimi yuridikalıq xızmet kórsetiw orayı shólkemlestirildi.
Moynaq rayonı ádillik bólimi yuridikalıq xızmet kórsetiw orayı 2023-jıl dawamında mámleketlik uyımlarına sıpatlı hám qániygeli yuridikalıq járdem kórsetiw;
mámleketlik uyımlardıń xızmetkerleriniń huquqıy sawatqanlıǵın hám huquqıy mádaniyatın asırıw;
mámleketlik uyımlardıń múlkiy hámde basqa huquqları hám nızamlı máplerin óz waqtında, hár tárepleme hám sıpatlı qorǵawdı támiynlew;
mámleketlik uyımlar tárepinen qabıl etilip atırǵan hújjetlerdiń nızamlı hámde hár tárepleme puqta bolıwın támiynlew maqsetinde bir qansha jumıslardı ámelge asırdı.
Moynaq rayonı ádillik bólimi yuridikalıq xızmet kórsetiw orayı tárepinen mámleketlik uyımlarına yuridikalıq xızmet kórsetiw «E-huquqshunos» elektron sisteması arqalı ámelge asırıldı.
Yuridikalıq xızmet kórsetiletuǵın mámleketlik uyımlar hám mákemelerden kelip túsken yuridikalıq hújjetler yuridikalıq xızmet kórsetiw orayı tárepinen tárepinen úsh jumıs kúninde kórilip shıǵılıp yuridikalıq juwmaqlar beriledi.
Yuridik xızmet kórsetiletuǵın mákemeler tárepinen yuridikalıq xızmet kórsetiw orayı menen kelisilmegen halda qabıl etilgen hár qanday buyrıqlar, biylikler, shártnamalar hám basqa yuridikalıq túsdegi basqa hújjetler haqiqiy emes deb tabıw ushın tiykar esaplanadı.
Moynaq rayonı ádillik bólimi yuridikalıq xızmet kórsetiw orayı házirgi kunde joqarıdaǵı Prezident qararı tiykarında 58 mámleketlik uyımlar hám mákemelerge yuridikalıq xızmet kórsetip kelmekte.
2023-jıl dawamında xızmet kórsetiletuǵın mákemelerden yuridikalıq xızmet kórsetiw orayına jami 16 999 hújjetler kelip túsip, sonnan 4 604 buyrıq, 3 636 shártnamaǵa oray xızmetkerleri tárepinen huquqiy juwmaqlar berildi.
Sonıń menen birge sudqa shekem xal qılıw júzesinen 7 talapnama hám mákeme máplerin kózlep sudqa 3 dawa arza kiritildi. Solardan, 4 talapnama qanatlantırılıp 45 905 697,6 swm pul óndirldi. Qońırat rayonlararalıq ekonomikalıq isleri boyınsha sudına kiritilgen 3 dawa arza boyınsha 2 dawa arza 57 025 230 swmǵa qanaatlantırıldı, 1 dawa arza sud tárepinen kórilip shıǵılmaqta.
Moynaq rayonı ádillik bólimi yuridikalıq xızmet kórsetiw orayı xızmetkerleri tárepinen 2023-jıl usı kunge shekem mámleketlik uyımlardıń xızmetkerleriniń huquqıy sawatqanlıǵın hám huquqıy mádeniyatın asırıw maqsetinde 52 awızeki 43 ǵalaba xabar qurralarınan hámde 20 zamanogóy málimleme texnologiyaları arqalı jámi 115 huquqıy úgit-násiyat ilájları ámelge asırıldı.
Moynaq rayonı ádillik bólimi yuridikalıq xızmet kórsetiw orayı mámleketlik uyımlar tárepinen qabıl etilip atırǵan hújjetlerdiń nızamlı bolıwın támiynlew hámde xalqımızdıń huquqıy sawatqanlıǵın turaqlı túrde asırıp barıw boyınsha óz jumısların dawam ettiredi.
Moynaq rayonı
ádillik bólimi yuridikalıq
xızmet kórsetiw orayı
baslıǵı: M.Koluzanov