Янгиликлар
29
Miynet dawları boyınsha dawa múddeti qanday?
Miynet dawları boyınsha dawa múddeti qanday?
Ózbekstan Respublikası Miynet kodeksiniń 560-statyasına kóre jeke tártiptegi miynet dawların kórip shıǵıw ushın sudqa murájet etiwdiń tómendegi múddetleri belgilengen.
Oǵan kóre:
1) Jumısqa tiklew dawları boyınsha — xızmetkerge ol menen miynet shártnaması biykar etilgenligi haqqındaǵı buyrıqtıń kóshirmesi berilgen kunnen baslap úsh ay;
(Eski kodekste bul bir ay edi).
2) xızmetker tárepinen is beriwshige jetkerilgen materiallıq zıyannıń ornın qaplaw haqqındaǵı dawlar boyınsha — is beriwshi zıyan jetkerilgenligi anıqlanǵan kúnnen baslap bir jıl;
3) basqa miynet dawları boyınsha — xızmetker óziniń huqıqı buzılǵanlıǵı haqqında bilgen yaki biliwi kerek bolǵan kúnnen baslap altı ay;
(Eski kodekste bul úsh ay edi).
Xızmetkerdiń ómirine hám den-sawlıǵına jetkerilgen zıyannıń ornın qaplaw haqqındaǵı dawlar boyınsha, sonday-aq xızmetkerge jetkerilgen ruwhıy zıyandı kompensaciya qılıw haqqındaǵı dawlar boyınsha sudqa múrájet etiw múddeti belgilenbeydi.
Jeke tártiptegi miynet dawların kórip shıǵıw boyınsha sudqa múrájet etiw múddeti ótiwi jeke tártiptegi miynet dawların midiaciya tártibinde kórip shıǵıw dáwirinde toqtatıp turıladı.
Kegeyli rayonı Ádillik bólimi
Yuridikalıq xızmet kórsetiw orayı
bas yuriskonsulti Salamat BAZARBAEV,