Янгиликлар
23
Insan huqıqları en joqarı qadiriyat
Insan huqıqları en joqarı qadiriyat
Jańa redakciyadaǵı Ózbekstan Respublikası Konstituciyası 2023 jıl 30 aprel kúni ótkerilgen Ózbekstan Respublikası referendumda putkil xalıq dawıs beriw arqalı qabıl etildi. Insan huqıq hám erkinliklerine, milliy hám ulıwma insanıylıq qádiriyatlarına, mámleketlik suverenitet principlerine sadıqligimizdı saltanatlı túrde járiyaladı. Ózbekstan Respublikasında insannıń huqıq hám erkinlikleri xalıq aralıq huqıqtıń hámme tarepinen tan alınǵan normalarına tiykar hámde Konstituciyaga muwapıq tán alınadı hám kepillik beriledi. Insan huqıq hám erkinlikleri hár kimge tuwılgannan baslap tiyisli boladı.
Ózbekstan Respublikasında barlıq puqaralar birdey huqıq hám erkinliklerge iye bolıp, jınısı, milleti, tili, dini, social kelip shıǵıwı, social poziciyasına qaramastan, nızam aldında teń. Jeńillikler tek nızamǵa muwapıq belgilenedi hám social ádillik principlerine uyqas bolıwı shárt. Ózbekstan Respublikası puqarası hám mámleket bir-birine óz-ara huqıq hám minnetlemeler menen baylanıslı. Insannıń Konstituciya hám nızamlarda bekkemlep qoyılǵan huqıq hám erkinlikleri qol qatılmas esaplanadı hámde sud qararısız huqıq hám erkinlikten ayırıwǵa yamasa olardı sheklep qoyıwǵa hesh kim haqlı emes.
Insannıń huqıq hám erkinlikleri tikkeley ámel etedi. Insannıń huqıq hám erkinlikleri nızamlardıń, mámleket shólkemleri, puqaralardıń ózin ózi basqarıw shólkemleri, olardıń lawazımlı shaxsları iskerliginiń mánisi hám mazmunın belgileydi. Mámleket shólkemleri tárepinen insanǵa qollanılatuǵın huqıqıy tásir sharaları sáykeslik principine tıykarlanıwı hám nızamlarda názerde tutılǵan maqsetlerge erisiw ushın jetkilikli bolıwı kerek. Insan menen mámleket shólkemleriniń óz-ara munasábetlerinde júzege keletuǵın nızamshılıqtaǵı barlıq qarama-qarsılıqlar hám anıq emeslikler insan paydasına talqın etiledi.
Hár bir insan óz shaxsın, erkin kámal taptırıw huqıqına iye. Hesh kimge onıń razılıǵısız nızamshılıqta belgilenbegen minnetleme júkletiliwi múmkin emes. Insan óz huqıq hám erkinliklerin ámelge asırıwda basqa adamlardıń, jámiyet hámde mámlekettiń huqıqları, erkinlikleri hám nızamlı máplerine ziyan jetkizbewi shárt.
Insannıń huqıq hám erkinlikleri, tek nızamǵa muwapıq, konstituciyalıq basqarıw principin, xalıqtıń densawlıgın, sociallıq normalardı, basqada insanlardıń huqıq hám erkinliklerin, jámiyetlik qawipsizligin hámde jámiyetlik tártipti támiyinlew maqsetinde, zárúr bolǵan sheńberde shekleniwi múmkin.
Insan huqıqları boyınsha milliy institutlar insan huqıqları hám erkinliklerin qorǵawdıń ámeldegi formaları hámde quralların toldıradı, puqaralıq jámiyetin rawajlandırıwǵa hám insan huqıqları mádeniyatın kóteriwge kómeklesedi.
Mámleket insan huqıqları boyınsha milliy institutlar iskerligin shólkemlestiriw ushın shárt-shárayatlar jaratadı.
Qaraózek rayonı Ádillik bólimi
Yuridikalıq xızmet kórsetiw orayı
bas yuriskonsultı Allamuratov Abdimurat Tólegenovich