Янгиликлар
23
Jańa Ózbekstan -jańa reformalar. Reformalar xalqımız ushın xızmet etedi
Jańa Ózbekstan - jańa reformalar. Reformalar xalqımız ushın xızmet etedi
Ózbekstan Respublikası ǵarezsizlikke eriskeninen soń qanshadan-qansha reformalar jolınan, rawajlanıw basqıshlarınan ótdi. Joqarı waziypalar belgilendi hám amelge asırıldı.
Shet el mámleketleri menen sırtqı ekonomikalıq hám sıyasiy baylanıslarımız bekkemlendi. Keleshekke úlken úmit hám isenim menen qaray, taqat-shıdamlılıq menen jasaǵan ózbek xalqı da 1991-jıl 31-avgustda múqaddes ármanına eristi - janajan watanımız óz mámleket ǵárezsizligin qolǵa kirgizdi.
Hesh gumansız, ǵárezsizlik jıllarında jurtımızda jańa mámleket hám jámiyet qurıw jolında tariyxıy jumıslar ámelge asırıldı, márt xalqımızdıń shıdamlılıǵı menen úlken jetiskenliklerge erisildi. Tariyxan qısqa múddette mámleketimiz Konstitusiyası - Tiykarǵı nızamımız islep shıǵıldı hám qabıllandı. watanımız suverenli mámleket retinde jáhán jámiyetshiliginen múnásip orın iyeledi. Ózbekstanda zamanagóy mámleketshilik tiykarları jaratılıp, konstituciyalıq sistemaǵa tiykar salındı.
Mámleketimizdi hár tárepleme rawajlandırıw, onıń jáhán kólemindegi dańq hám ataǵın asırıwǵa úlken úles qosıw, mámleketimiz ekonomikası hám xalıq párawanlıǵın kóteriwde qılınıp atırǵan reformalar, jámiyetimizde tınıshlıq hám turaqlılıqtı, milletleraralıq tatıwlıq hám keńpeyillikti támiyinlew boyınsha alıp barılıp atırǵan jumıslar, eń tiykarǵısı, barlıq qılınıp atırǵan jumıslar, xalqımızdı razı qılıw ushın ámelge asırılıp atırǵanı bunıń jaqtı mısalı bolıp tabıladı.
Qaraózek rayonı Ádillik bólimi Insan huqıqların qorǵaw
hám huqıqtı qollaw ámeliyatın úyreniw bólimi
bas másláhátshisi Sh.Erlepesov