Янгиликлар
23
Qaraózek rayonı ádillik bólimi tárepinen 2023-jıl dawamında ámelge asırılǵan jumısları boyınsha málimleme
Qaraózek rayonı ádillik bólimi tárepinen 2023-jıl
dawamında ámelge asırılǵan jumısları boyınsha málimleme
2023 jıl dawamında Qaraózek rayonı ádillik bólimi tárepinen bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan 169 arza hám shaǵımlar kelip tusip sonnan 23 murájat kóshpeli qabıllawda kelip tusip, 162 murájat kórip shıǵıldı, sonnan 124 murájat (78%) qanaatlandırıldı, 38 murájatqa xuqıqıy túsinik berildi, 3 murájat tiyisliligi boyınsha jiberilip 1 murájat kórmesten qaldırıldı.
Sudlarǵa puqaralardıń mápin gózlep 90 daӯa arzalar kirgizilip, puqaralardıń huqıqları tiklenbekte. Bunnan tısqarı isbilermenlerdiń mápin gózlep 5 dawa arza kirigizilip jámi 270 mln sumlıq dawa arza qanaatlandırıldı. Sonnan derlik 230 mln sum tiykarǵı qarız bolsa 40 mln sum penyanı quraydı.
Ádillik bólimine kelip túsken múrájatlar analizlengende eń kóp múrájatlar insan huqıqların qorǵaw máselelerine baylanıslı yaǵnıy miynet dawları hám yuridikalıq fakt tastıyıqlaw menen baylanıslı ekenligi anıqlandı.
Nızamlardıń durıs orınlanıwı boyınsha 25 úyreniwler ótkerilip, 1 367 nızam buzıwshılıq jaǵdayları anıqlandı.
Úyreniwler nátiyjesinde 2023-jıl dawamında mekeme hám shólkemlerge jámi 29 usınıslar kiritildi. Usınıslarǵa tiykar jámi 1 mlrd 128 mln sum qaytarılǵan bolsa nızambuzılıwlarǵa jol qoyǵan 22 shaxs intizamiy hám 29 shaxs hákimshilik juwapkershilikke tartıw ushın tiyisliligi boyınsha sudqa hám basqa organlarǵa ótkerildi. Sonıń menen birge mekeme hám shólkemlerge 7 eskertiw xatları kiritildi.
Ádillik bólimi tárepinen Xalıq deputatları Qaraózek rayonlıq Keńesiniń 6 qarar joybarı hám rayon hákimliginiń 4 qarar joybarları huqıqıy ekspertizadan ótkerildi. YUridikalıq xızmet kórsetiw orayı tárepinen E-Xuqıqshunos elektron sisteması arqalı jámi 18957 xujjet ekspertizadan ótkerilgen sonan 14785 buyrıq 4158 shártnamalarǵa juwmaq berilgen bolsa, 262 xujjet kemshilikleri sebepli qaytarılǵan.
2023-jıl dawamında ádillik bólimi tárepinen «shaxs — shańaraq — máhálle — bilimlendiriw mekemesi — shólkem — jámiyet» principi boyınsha 1006 úgit-násiyat jumısları (730 ǵalaba xabar qurallarında, 255 awızeki, 21 kórgizbeli huqıqıy úgit-násiyat) alıp barıldı. Jańadan qabıl etilgen 969 normativ-huqıqıy hújjetler rayonlıq mekeme hám shólkemlerine elektron formada jetkerilip berildi.
Ádillik bólimi tárepinen mámleketlik uyımlardıń huqıqtı qollaw ámeliyatın úyreniw tiykarınan normativ-huqıqıy hújjetler orınlanıwın támiyinlew, nadurıs yamasa qarama-qarsılıqlı qollaw ámeliyatına alıp keletuǵın normalardı óz waqtında anıqlaw hám saplastırıw boyınsha ámelge asırılmaqta.
Qaraózek rayonı ádillik
bólimi baslıǵı A.Otarbaev