Янгиликлар
23
Ózin-ózi bánt etiw tártibi qanday
Ózin-ózi bánt etiw tártibi qanday
Ózin-ózi bánt etken shaxslar — óz jumısın ózi tawıp, onı ózi orınlaw arqalı dáramat kóretuǵın fizikalıq shaxslar bolıp tabıladı. Repetitorlar, bala baǵıwshılar, santexnikler, elektrshılar, shashtárezler, kurerler, avtomobil juwıwshılar, ónermentler, sipsekeshler, tigiwshiler, programmistler hám taǵı kóplegen kásip iyeleri ózin ózi bánt etiwshiler bolıwları múmkin.
Ózin-ózi bánt etkenlerde aylıq yamasa jıllıq dáramat boyınsha hesh qanday sheklewler joq. Ózin-ózi bánt etiwshi retinde ayına 10 mln swm islep tapsańız da, hesh kim iskerligińizdi toqtatıp, jeke tártiptegi isbilermen yamasa yuridikalıq shaxs ashıwǵa májbúrlemeydi.
Ózin-ózi bánt qılıw ushın tólem joq. Onıń ushın eki jol menen dizimnen ótiw múmkin:
1) rayonlıq salıq inspeksiyasına barǵan halda;
2) salıq tólewshiniń jeke kabineti yamasa MSI nıń Salıq mobil qosımshası hám my.gov.uz saytı arqalı ǵárezsiz túrde dizimnen ótiw múmkin.
Bunda, sheklenbegen múddetke dizimnen ótiledi. Anketalar toltırılǵannan keyin, ózin-ózi bánt etken shaxs retinde dizimnen ótkerilgenlik haqqında QR-kodlı maǵlıwmatnama beriledi.
Qanlikól rayonı ádillik bólimi MXO bólim baslıǵı D.Qudenov