Янгиликлар
23
Shımbay rayonı Yuridikalıq xızmet kórsetiw orayı iskerligi boyınsha
Shımbay rayonı Yuridikalıq xızmet kórsetiw orayı
iskerligi boyınsha
Ózbekstan Respublikası Prezidentiniń 2021-jıl 29-iyun kúngi “Mámleketlik organları hám shólkemlerine yuridikalıq xızmet kórsetiw iskerligin jáne de jetilistiriw ilajları haqqında”ǵı PQ-5168-sanlı qararı hám 2022-jıl 18-mart kúngi «Yuridikalıq xızmet kórsetiw orayları iskerligin jánede keńeyttiriw boyinsha qosımsha is-ilajları haqqında»ǵı PQ-173-sanlı qararı talaplarına muwapıq, Shımbay rayonı ádillik bóliminiń Yuridikalıq xızmet kórsetiw orayı tárepinen, rayondaǵı 98 mámleketlik uyım hám shólkemlerge «E-huquqshunos» elektron sisteması arqalı tuwrıdan-tuwrı yuridikalıq xızmetler kórsetip kelinbekte.
2023-jıldıń 11 ay 15 kún dawamında yuridikalıq xızmet kórsetiliwi belgilengen mámleketlik mákeme hám shólkemlerden “E-huquqshunos” elektron sisteması arqalı ulıwma 55482 hújjet kelip túsken bolıp, sonnan 25461 danası shártnama hám 29948 danası buyrıq joybarların quraydı.
Bul hújjetlerdi huqıqıy ekspertizadan ótkiziwde 55204 hújjetke unamlı juwmaqlar berilgen bolsa 278 hújjet joybarlarında kemshilikler orın alǵanlıǵı ushın, orın alǵan kemshiliklerdi saplastırıw maqsetinde qaytarılǵan.
Bunnan tısqarı, jıl basınan házirgi kúnge shekem yuridikalıq xızmet kórsetiletuǵın mákemelerdiń mápin kózlep 13 mártebe sud islerinde qatnasıldı. Sonnan 13 istińde nátiyjesi qanaatlandırıldı.
Sonday-aq, xojalıq shártnamalardıń orınlanıwınıń támiyinleniwi keshiktirilgeni múnásibeti menen yuridikalıq xızmet kórsetiletuǵın mákemelerdiń mápin gózlep 60 talapnama kirgizilip, qanaatlandırıldı.
Ótken 11 ay 15 kún juwmaǵı boyınsha Oray tárepinen 2113 huqıqıy úgit-násiyat jumısları ótkerilip, sonnan ǵalaba xabar quralları arqalı 150 mártebe shıǵıwlar ámelge asırılǵandıǵan bolsa, yuridikalıq xızmet kórsetiletuǵın mákemelerde islewshi xızmetkerler arasında 1680 márte awızeki túrde úgit-násiyat jumısları ámelge asırıldı. Sonday-aq rayon aymaǵındaǵı yuridikalıq xızmet kórsetiletuǵın mákemelerde islewshi «E-huquqshunos» elektron sisteması menen islesiwshi xızmetkerlerge usı jıldıń ótken dáwiri ishinde 14 márte oqıw-seminarları ótkerildi.
Juwmaqlap aytqanda Shımbay rayonlıq ádillik bólimi Yuridikalıq xızmet kórsetiw orayı tárepinen rayondaǵı mámleketlik mákeme-kárxanalar, shólkemler tárepinen islep shıǵılǵan yuridikalıq áhmiyetke iye bolǵan hújjetlerdiń nızamlılıǵın támiynlew, olardıń nızamlı huqıq hám máplerin qorǵaw boyınsha yuridikalıq xızmet kórsetip kelinbekte.
Shımbay rayonı ádillik bólimi Yuridikalıq
xızmet kórsetiw orayı baslıǵı A.Reymov