Янгиликлар
23
Mámleket múlkin ijaraǵa beriw tártibi belgilendi
Mámleket múlkin ijaraǵa beriw tártibi belgilendi
Ózbekstan Respublikası Ministrler Kábinetiniń 14.12.2023-jıldaǵı "Mámleket múlkin ijaraǵa beriw tártibin jedellestiriw tuwrısında"g'ı 660-san qararınıń 1-qosımshası menen tastiyıqlanģan “Mámleket múlkin ijaraǵa beriw tártibi haqqında”ģı Rejege kóre, mámleket múlkin ijarag'a beriw procesi hár qanday fizikalıq hám yuridikalıq shaxs baslaması tiykarında baslanıwı múmkin.
Bunda baslama kórsetiwshi tikkeley Mámleket aktivlerin basqarıw agentligi janındaǵı Mámleket múlki obektlerinen nátiyjeli paydalanıw orayına yamasa onıń aymaqlıq basqarmalarına (ijaraģa beriwshige ):
- mámleket múlkiniń xarakteristikası hám jaylasqan jayın;
- balansda saqlawshını (bunday maǵlıwmatlarǵa iye bolǵan táǵdirde) kórsetken halda usınısın jazba yamasa elektron usınıs etedi.
Usınıslar sol kúnniń ózinde kórip shıǵıw ushın ijara beriwshige jiberiledi.
Soǵan kóre, ijara beriwshi 2 kún múddette balansda saqlawshıģa mámleket múlkin ijaraģa beriw boyınsha munasábet bildiriw boyınsha soraw jiberedi.
Ijaraģa beriwshi balansta saqlawshınıń arzası kelip túskennen 2 kúnde mámleket múlkin «E-auksion» elektron sawda platformasi arqalı onlayn-aukcion sawdasına shıǵaradı.
Ijaraģa beriwshi menen ijaraģa alıwshı ortasında nızamshılıq hújjetlerinde belgilengen tártipte ótkerilgen onlayn-aukcion nátiyjesi boyınsha rásmiylestirilgen protokol tiykarında dúzilgen ijara shártnaması elektron formada óz-ara rásmiylestiriledi.
Ijara shártnaması onlayn-aukcion sawda nátiyjesi boyınsha protokol rásmiylestirilgennen keyin 10 is kúninen keshiktirmey ijaraģa beriwshi hám ijaraģa alıwshı tárepinen qol qoyılıwı hám de belgilengen tártipte dizimnen ótkeriliwi shárt.
Kommunal xızmetler, elektr energiyası, suw, gaz tutınıwı hám ıssılıq támiynatı ushın ijaraģa alıwshı menen balansta saqlawshı yamasa xızmet kórsetiwshi ortasında bólek shártnama dúziledi.
Balansta saqlawshınıń ijara shártnamasınıń ámel qılıw múddeti dáwirinde ijaraģa alıwshıģa ijara obektinen paydalanıwına hám ol jaǵdayda iskerlik kórsetiwine tosqınlıq jasawı qadaǵan etiledi (fors-major hám nızamshılıq hújjetlerinde názerde tutılǵan jaǵdaylar bunnan tısqarı).
Tárepler shártnamada belgilengen minnetlemelerdi orınlamaģan taģdirde shártnamanıń basqa táreplerine jetkezgen zıyandı ıqtıyarıy tiykarında qoplaydi. Óz-ara shártlesiwge erisilmegende, Zıyan nızamshılıq hújjetlerinde belgilengen tártipte sud arqalı óndiriledi.
Ijaraģa alıwshı tárepinen social taraw obekti quramındaǵı jerde:
- ımaratlar hám inshaatlardı, atap aytqanda, jer astı imaratların qurıw (jeńil konstrukciyalı imaratlar bunnan tısqarı);
- kóńilashar obektler iskerligin shólkemlestiriw (mádeniyat obektleriniń jer uchastkaları bunnan tısqarı ) qadaǵan etiledi.
Mámleket múlki ijarasınıń eń kóp múddeti:
- bir ijara shártnaması sheńberinde 6 jıl ;
- mámleketlik emes professional bilimlendiriw shólkemleri hám de kishi isbilermenlik subektleri, sonday-aq, menshikli medicina shólkemleri ushın 10 jıl etip belgilenedi.
Mámleket múlk obektleri ijaraģa beriw ushın aukcionģa shıǵarılǵanda, ijaraģa beriw múddeti 3 jıl etip belgilenedi.
Kóshpes múlk 1 jıldan kem bolmaǵan múddetke ijaraģa berilgende, ijara shártnaması mámleket diziminen ótkeriliwi shárt.
Avtomototransportlar sawda platforması quralı járdeminde onlayn-aukcion arqalı ijaraģa berilgende, ijara shártnamaların notarial tártipte tastıyıqlaw talap etilmeydi.
Ijaraģa berilip atırǵan múlkti esapqa alıw hám maǵlıwmatlar bazasın júrgiziw ijaraģa beriwshi tárepinen online-ijara.uz sisteması arqalı ámelge asıriladı.
Xojeli rayonı ádillik bólimi bas máslahatshısı B.Otepov