Янгиликлар
23
Xojeli rayonı ádillik bólimi tárepinen 2023-jıl dawamında islengen jumıslar boyınsha esabatı
Xojeli rayonı ádillik bólimi tárepinen 2023-jıl dawamında islengen
jumıslar boyınsha esabatı
2023 jıl 12-aylıqta Ádillik ministrligi sistemasında zamanagóy basqarıw usılları ámeliyatqa engiziliwi múnásebeti menen rayon ádillik bólimleriniń jumıs iskerliginde talap etiwshilik kúsheytirilip, xızmetkerlerdiń juwapkerligi jánede asırıldı. Nátiyjede ádillik bólimleri aldına qoyılǵan wazıypalardı ámelge asırıw, atap aytqanda puqaralar múrájatleri menen islesiw, monitoringler ótkeriw, rayon dárejesindegi mekeme hám shólkemlerde huqıqtı qollaw ámeliyatın úyreniw, nızamshılıqtaǵı jańalıqlar hám mámleket siyasatın jetkiziw boyınsha jumıslarda nátiyjelilik arttı.
Xojeli rayonı ádillik bólimine 2023 jıl 12 aylıqta jámi 235 arza hám shaǵımlar kelip tústi, olardıń 125 arza, 110 shaǵımlar, kelip túsken shaǵımlardıń 108 xám 125 arzalar sheshildi. Múrájatshılardıń 191i is haqı hám oǵan teńlestirilgen tólemlerdi halıq tálimi, irrigaciya, toǵay xojalıǵı, máhalle hám shańaraqtı qollap-quwatlaw bólimlerinen óndiriwde, qalǵanları jumısqa qayta tiklew, pensiya stajın qayta esaplaw hám basqada máselelerde ámeliy járdem beriwdi soraǵan.
Jámi qanaatlantırılǵan arza hám shaǵımlar 128, huqıqıy túsinik berilgenleri 101 nı quradı, qalǵanları is júritiwde úyrenilmekte.
Sonıń menen birge, tikkeley jeke qabıllawlarda jámi 173 puqaralardıń múrajatları qabıllandı. Norma dóretiwshiligi salasında sociallıq qorǵaw, isbilermenlik, tálim hám basqa tarawlarǵa tiyisli nızamshılıqtı jetilistiriw barısında 12 usınıs islep shıǵıldı.
Xalıq deputatları rayonlıq Kenesi hám rayon hákiminiń 16 normativ-huqıqıy hújjet joybarları huqıqıy ekspertizadan ótkeriw ushın kelip túsip, sonnan 16 hújjet joybarı huqıqıy ekspertizadan ótkerilip, 3 sheshim joybarları nızam hújjetleri talaplarına sayekes emesligi sebepli qaytarıldı.
Bólim tárepinen ótkerilgen monitoring nátiyjesinde Xalıq deputatları rayonlıq Kenesinin 1 hám rayon hákiminiń 1 qararları nızam talaplarına juwap bermegenligi sebepli olardı biykarlaw haqqında usınıslar kiritildi.
Bólim tárepinen puqaralardıń huqıq hám máplerin qorǵaw boyınsha bir qansha jumıslar ámelge asırıldı. Atap aytqanda, puqaralardıń mápinde puqaralıq sudlarǵa jámi 713 mln. 464 mıń sumlıq 67 arza hám dawa arzalar kiritilip, sonnan jámi 644 mlnyu 992 sumlık 61 dawa arza qanaatlantırıldı hám qalǵanları sud tárepinen kórip shıǵılmaqta.
Bunnan tısqarı, rayondaǵı 63 mekeme hám shólkemlerde ótkerilgen 8 úyreniw hám 4 monitoringlar dawamında 2098 ta nızam buzılıw jaǵdayları anıqlanıp, olardı saplastırıw barısında rayonlıq halıq tálimi bólimi, medicina birlespesi, bandlikke kómeklesiw orayı hám basqada mekeme hám shólkemlerge jámi nızambuzıwshılıqtı saplastırıw haqqında – 72, jınayı juwapkershilikke tartıw xaqqında – 4, hákimshilik juwapkershilikke tartıw haqqında – 71 usınıslar kiritildi, nátiyjede 34 dana shaxs huqıyqıy juwapkershilikke tartıldı hámde 200 aslam puqaralardıń 1 611 958 671 sumlıq pul qarjıları tolıq óndirilip berildi.
Nızambuzıwshılıq jaǵdayları rayonlıq medicina birlespesinde, halıq tálimi, mektepke shekemgi bilimlendiriw, sanitariya-epidemiyalıq tınıshlıq xám jámiyetlik qáwipsizlik bólimlerinde tárepinen mámleketlik hızmetlerin kórsetiw tarawında, rayonlıq halıq bándligine kómeklesiw orayınıń sociallıq-ekonomikalıq tarawda huqıqtı qollaw ámeliyatında hámde basqa tarawlarda anıqlandı.
Puqaralardıń huqıqıy sana-sezimine jáne mádeniyatın asırıw salasında salmaqlı jumıslar ámelge asırıldı. Atap aytqanda, 2023 jıl 12 ayı dawamında bólim xızmetkerleri tárepinen jámi 1779 huqıqıy úgit-násiyat ilajları alıp barıldı.
Sonnan 959 ǵalaba xabar quralları (televidenie, radio, gazeta hám social tarmaqlar) arqalı, 1254 awızeki huqıqıy úgit-násiyat ilajları ámelge asırılǵan bolsa, kórgezbeli úgit-násiyat jumısları 54 quradı.
Huqıqıy ugit-násiyat jumısları rayondaǵı mámleketlik organlarda, sonıń ishinde medicina birlespesi, xalıq bilimlendiriw bólimi hám oǵan qaraslı orta bilim beriw mektepleri, mektepke shekemgi bilimlendiriw bólimi, mádeniyat bólimi, irrigaciya hám toǵay xojalıǵı, sanitariya, veterinariya, abadanlastırıw, pensiya qorı, qurılıs bólimi, sonday-aq awıl hám mákán puqaralar jıyınlarında alıp barıldı.
Xojeli rayonı ádillik bólimi baslıǵı A. K. Shabatov