Янгиликлар
22
Qońırat rayonı Ádillik bólimi tárepinen 2023 jıl dawamında ámelge asırılǵan jumısları haqqındaǵı E S A B A T I
Qońırat rayonı Ádillik bólimi tárepinen 2023 jıl dawamında ámelge asırılǵan jumısları haqqındaǵı E S A B A T I
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2023-jıl dawamında Qońırat rayonı ádillik bólimi tárepinen bir qatar jumıslar ámelge asırıldı. Atap aytqanda,
Insan huqıqların qorǵaw tarawında:
Bolimge jámi 309 múrájat kelip túsip, solardan 306 shaǵım hám 3 arza kelip túsken. Solardan 275-múrájáát qanaatlandırılıp, 34-múrájáát boyınsha huqıqıy túsnikler berilgen, kórip shıǵıw ushın tiysligi boyınsha basqa mekeme hám kárxanalarǵa 18-múrájáát jiberildi, esabat dáwirinde qaldıqta 22 múrájaat qaldıqta qalǵan. Qanaatlandırılǵan múrájáátlardan sudlarǵa 152 shaǵım arzalar kiritilip, jámi 1 606 154 796 sóm óndiriwge qaratılǵan.
Bolimge kelip túsken múrájatlar analizlengende eń kóp múrájatlar miynet nızamshılıǵı, napaqa alıwdaǵı mashaqalalar bolıp, onda yuridik faktin tastıyıqlaw, yaǵnıy ólgenlik faktin tastıyqlaw boyınsha hámde úy-jaydı menshiklestiriw máselelerine baylanıslı ekenligi anıqlandı.
Bólim tárepinen 41 mekeme hám kárxanalarda úyreniwler ótkerildi. Ótkerilgen úyreniwler nátiyjesinde 3037 nızambuzıwshılıq halatları anıqlandı.
Úyreniw dáwirinde mekeme hám kárxanalarǵa anıqlanǵan nızam buzıwshılıq boyınsha 87 usınıs kiritilip, solardan 15 mekeme hám kárxana basshılarına hákimshilik járiyma, 8 mekeme hám kárxana xızmetkerlerine intizamiy sharalar qollanıldı, 68 mekeme hám kárxanalarga eskertiwler berildi.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019-jıldıń 9-yanvar kúni Ózbekstan Respublikası Prezidentiniń 5618-sanlı Pármanı menen tastıyıqlanǵan “Jámiyette huqıqıy mádeniyattı joqarılatıw Koncepciya”sı talapların orınlaw barısında, Ádillik bólimi tárepinen 1004 úgit-násiyat jumısları alıp barıldı. Sonnan, televidenie arqalı 35 marte, radioda 43, gazetada 26, VEB-sayt arqalı 365 márte shıǵıwlar ámelge asırıldı. Awızeki túrde 576, kórgizbeli formada 34 úgit násiyat ilájları ámelge asırıldı.
Bólimge elektron túrde kelip túsken 721 normativ huqıqıy hújjetleri kárxana mekeme shólkemlerge jetkerildi.
Ózbekstan Respublikası Prezidentiniń «Mámleketlik uyımları hám mákemelerine yuridik xızmet kórsetiwdi jánede jedelestiriw is-ilájları haqqında» ǵı 2021-jıl 29-iyun kúngi 5168-sanlı qararına muwapıq 2021-jıl oktyabr ayınan baslap Qońırat rayonı ádillik bólimi yuridikalıq xızmet kórsetiw orayı shólkemlestirilgen edi.
Qońırat rayonı ádillik bólimi yuridikalıq xızmet kórsetiw orayı tárepinen 2023-jıl dawamında mámleketlik uyımlarǵa sıpatlı hám qániygeli yuridikalıq járdem kórsetildi.
2023-jıl dawamında xızmet kórsetiwshi mákemelerden yuridikalıq xızmet kórsetiw orayına 30 841 buyrıq 33 163 shártnama hámde 85 talapnama jámi 64 089 hújjetler kelip túsip oray xızmetkerleri tárepinen huquqiy juwmaqlar berildi.
Puqaralardan kelip túsip atırǵan múrájatlar, xalqımızdıń kúndelikli turmısında ushırasatuǵın máseleler, migraciya, materiallıq járdem, jer, úy-jay alıw, kommunal xojalıq, jeńillikler, aliment, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Usınday shárayatta puqaralardıń huqıqıy másláhátke bolǵan mútájligin támiyinlew maqsetinde internet tarmaqlardagı feysbuk, instagram xamde telegramda Qońırat rayonı adillik boliminin kanalları ashılgan bolıp bul kanallar arkalı puqaralarga aralıqtan turıp puqaralardıń múrájatlarına huqıqıy túsinik hám másláhátlar berip barılmaqta.
Qońırat rayonı ádillik bólimi
baslıǵı M.Seytbayeva