Янгиликлар
22
Qaraqalpaqstan Respublikası Ádillik ministrligi tárepinen Intellektuallıq múlk huqıqların qorǵaw tarawında ámelge asırılǵan jumıslar
Qaraqalpaqstan Respublikası Ádillik ministrligi tárepinen Intellektuallıq múlk huqıqların qorǵaw tarawında ámelge asırılǵan jumıslar
Ministrlik tárepinen 2023-jıl dawamında tarawda qatar jumıslar ámelge asırıldı.
Tiykarınan, intellektuallıq múlk huqıqların qorǵawǵa qaratılǵan nızam hújjetlerine ózgerisler kirgiziw boyınsha qatar usınıslar islep shıǵıldı. Bul arqalı huqıq iyeleriniń avtorlıq huqıqların qorǵalıwın jánede jetilistiriw kózde tutılmaqta.
Sonday-aq, xalıqtıń hám isbilermenlik sub’ektleriniń intellektuallıq múlk tarawındaǵı huqıqıy túsiniklerin arttırıwǵa qaratılǵan bir qansha ilájler ótkerildi.
Atap aytqanda, aymaqta jaylasqan bazarlar hám sawda komplekslerde 31 máretebe profilaktikalıq ilájler ɵtkerilgen bolsa, 10 máretebe oqıw orınlarında seminarlar ótkerildi. Ótkerilgen profilaktikalıq ilájlerde tarawǵa baylanıslı nızam hújjetlerine túsinikler berilgen 500 den aslam bukletler hám 200 den aslam kontrafakt ónimler katalogları tarqatıldı. Sonıń menen birge 22 máretebe ǵalaba xabar qurallarınan shıǵıwlar ámelge asırıldı.
Bunnan tısqarı, ózleriniń jaratqan intellektuallıq múlk obe’ktlerin patentlewde ámeliy járdem sorap múrájat qılǵan 60 tan aslam puqaralarımızǵa huqıqıy járdemler kórsetildi. Sonday-aq intellektuallıq múlkke bolǵan múlk iyeleriniń múrájatlarına tiykar 9 máretebe tekseriwler ótkerilip, anıqlanǵan nızambuzıwshılıq jaǵdayları boyınsha 8 máretebe orınlanıwı májbúriy bolǵan usınıslar kirgizilgen bolsa, 1 jaǵdayda hákimshilik juwapkershilik haqqında bayanlama rásmiylestirilip tiyisliligi boyınsha sudlarǵa kiritilip nızambuzıwshılıq jaǵdayları tolıq saplastırıldı.
Intellektual múlk huqıqların
qorǵaw boyınsha bas másláhatshı N.Esnazarov