Янгиликлар
19
Korrupciyaǵa qarsı gúresıw-dáwir talabı
Korrupciyaǵa qarsı gúresıw-dáwir talabı
Qashan mámleket, jámiyet, xalıq rawajlanıwǵa ju`z tutadı? Qashanda, tekǵana tálim sistemasınan, bálki, jámiyettiń barlıq buwınlarınan korrupciyani túbinen bırotala shawıp taslasaq.
Hár bir mámlekettiń rawajlanıwına tosqınlıq etiwshi nárse bul, álbette korrupciya bolıp esaplanadi. Korrupciya nátiyjesinde kelip shıǵıp atırǵan mashqalalar jámiyetti ish-ishinen jemirip, onıń ekanomikalıq jaqtan rawajlanıwına tosqınlıq etedi, hár túrli terrorizmniń keń jayılıwına sharayat jaratıp beredi.
Korrupciya degenimizdiń ózi ne? Korrupciyalıq háreketler hámde korrupciyaǵa tiyisli huqıqbuzarlıqlar terminlerine qısqasha toqtalıp ótsek.
Korrupciya-shaxstıń óz hámel yamasa xızmet poziciyasinan jeke máplerin yaki ózge adamlardıń máplerin gózlep materiallıq yamasa materiallıq emes payda alıw maqsetinde nızamǵa qayshı túrde paydalanıwı, tap sonıń menen birge bunday paydanı nızamǵa qayshı túrde usınıwı.
Korrupciyalıq háreketler-xızmetker tárepinen tikkeley yamasa tikkeley bolmaǵan shaxsan yamasa úshinshi shaxslar arqalı para beretuǵın mápleri jolında háreket yamasa háreketsizlik ushın materiallıq mápdar bolıwı, sonday-aq pul, qımbat bahalı qaǵaz, basqa kórinistegi múlk hám múlkshilik huqıqları, múlkshilik xarakterdegi xızmetler alıw, talap qılıw, óndiriw, usınıw yamasa beriw, para beriw yaki alıw yamasa daldalshılıq qılıwda, kensepazlardı apiwayılastırıw ushın tólemler óndiriw (para alıw) hám basqa nızamǵa qayshı maqsetlerde óz xızmet wazıypalarınan nızamǵa qayshı paydalanıw.
Korrupciyaǵa tiyisli huqıqbuzarlıq-korrupciya belgilerine iye bolǵan, ámelge asırılǵanı ushın nızamshılıqta juwapkerlik názerde tutılǵan qılmıs.
Korrupciya búgin yamasa keshe payda bolıp qalǵan emes. Korrupciya hám paraxorlıq haqqında tariyxqa bir názer taslasaq, jáhán tariyxiniń túrli dáwirlerindegi mámleketlerde lawazımlı shaxslar tárepinen korrupsiyaǵa tiyisli isler ámelge asırılǵan, korrupciyaǵa qarsı nizamlar qabıl etilgeni, ayrıqsha jaza túrleri tayinlanǵanliǵiniń guwası bolamız. Korrupciya sonday bir illet, onı bir yamasa eki mekemeniń umtılıw-háreketi menen joq etip bolmaydi. Qashanda, barlıq puqaralarımız, jámiyet oǵan qarsı birgelikte gúresip, onıń túbirinen joq etiwge kirisalsaqǵana unamlı nátiyjege erisiw mumkın. Álbette, korrupciyaǵa qarsı gúresiw birinshi náwbette shańaraqtaǵı ortalıq hám tálim tárbiyadan baslanadı. Sonday eken o`sip kiyatirǵan keleshek awlatdı hár tárepleme kamil insan qılıp tárbiyalaw, olarǵa úlgi bolıw, menimshe, hár bir ata-ananıń, bálkim jámiyettińde wazıypasına aylansa júdá jaqsı bolar edi.
Qońırat rayonı ádillik bo`limi
Mámleketlik xızmetler orayı telefon xızmetı ko`rsetiw
hám servis sektori baylanıs operatorı
Allashukirova Ayımjan Kamiljanovna