Янгиликлар
17
Allergiyalıq kesellikler joqarı bolǵan aymaqlarda ǵalabalıq skrining tekseriwleri ótkeriledi
Allergiyalıq kesellikler joqarı bolǵan aymaqlarda ǵalabalıq skrining tekseriwleri ótkeriledi
Mámleketimizde allergik keselliklerdi profilaktikasın júrgiziw, kesellikti anıqlaw hám emlewdiń jetik usılların qollaw boyınsha mánzilli is-ilajlar ámelge asırılıp atır.
Sonıń menen birge, tábiyattıń ózgeriwi, global ısıw aqıbetinde gúllerdiń shańlanıw máwsiminiń uzayıwı, ekologiyalıq jaǵdaydıń jamanlasıwı hám basqada faktorlar tásirinde allergik keselliklerge shalınıw qáwipi artıp barmaqta.
2023-jıl 23-noyabrde “Allergik keselliklerdiń aldın alıw hám emlew sapasın asırıw is-ilajları haqqında”ǵı 371-sanlı prezident qararı qabıl etildi.
Usı qarar menen, allergik keselliklerdiń aldın alıw sistemasın jáne de jetilistiriw maqsetinde medicinanıń baslanǵısh buwınınan baslap allergik keselliklerdiń epidemiologik kórsetkishleri ústinen qadaǵalawdı kúsheytiw hám mánzilli skrining tekseriwlerin ótkeriw engizildi.
2024-jıl 1-yanvardan allergik hám immunologik keselliklerge shalınǵan “Sociallıq qorǵaw birden-bir reyestrin”de bolǵan nawqaslardı ingalyacion glyukokortikosteroid dári ónimleri menen biypul támiyinlew sisteması jolǵa qoyıldı.
Allergik kesellikler (sonday-aq máwsimiy allergiya) kórsetkishleri joqarı aymaqlarda jılına keminde bir márte ǵalabalıq hám selektiv skrining tekseriwleri ótkeriledi. Aymaqlarda allergologiya hám klinikalıq immunologiya baǵdarında joqarı texnologiyalıq kesellikti anıqlawlaw hám emlew ámeliyatları túrleri basqıshpa-basqısh 10 túrden 20 túrgeshe asırıladı.
2024-jıl 1-yanvardan Respublika ilimiy-qánigelestirilgen allergologiya orayı Respublika qánigelestirilgen allergologiya hám klinikalıq immunologiya ilimiy-ámeliy medicina orayı etip qayta shólkemlestirildi. Tashkent qalası xalıqı ushın allergik kesellikler boyınsha qánigelestirilgen hám tez medicinalıq járdem oray tárepinen kórsetiledi.
2024-jıldan tómendegilerdi názerde tutatıwshı sistema engiziledi:
- allergik kesellikler keltirip shıǵarıwshı aeroallergenlar quramı hám máwsimiy tarqalıw kólemi aymaqlar kesiminde úyrenilinip, onıń nátiyjeleri Xalıq aralıq molekulyar allergologiya orayı tárepinen Gidrometeorologiya xızmeti agentligine úzliksiz usınıs etip barıladı;
- aeroallergenlar quramı hám máwsimiy tarqalıw kólemi haqqındaǵı maǵlıwmatlar qorshaǵan ortalıq pataslanıwına tiyisli maǵlıwmatlar menen birgelikte tiyisli veb-sayt hám basqa derekler arqalı járiyalap barıladı.
2024-jıl 1-aprelge shekem allergik kesellikke shalınǵan nawqaslardıń elektron reyestri jaratılıp, ámeliyatda qollanıladı.
Qońırat rayonı ádillik bólimi yuridikalıq
xızmet kórsetiw orayı bas yuriskonsultı
Annarazov Ruslan Yuldashevich