Янгиликлар
17
Kóshpes múlkke bolǵan huqıqlardı mámleketlik dizimnen ótkeriw tártibi
Kóshpes múlkke bolǵan huqıqlardı mámleketlik dizimnen ótkeriw tártibi
Kóshpes múlkke bolǵan huqıqlardı mámleketlik dizimnen ótkeriw-yuridikalıq hám fizikalıq shaxslardıń kóshpes múlkke bolǵan huqıqları júzege kelgenligi, basqa shaxsqa ótkenligi, sheklengenligi hám biykar etilgenligi faktin mámleket tárepinen tán alıw bolıp tabıladı.
Kóshpes múlkke bolǵan huqıqlardı mámleketlik dizimnen ótkeriwde tómendegi túsiniklerden paydalanıladı:
kadastr pasportı- kóshpes múlk obekti haqqındaǵı ulıwmalıq maǵlıwmatlardı hám obekttiń kadastr nomerin óz ishine alǵan elektron hújjet;
obekttiń kadastr nomeri- jer uchastkasınıń, bina hám imarattıń Ózbekstan Respublikası aymaǵında qaytalanbaytuǵın ózine sáykes nomeri bolıp, usı nomer kóshpes múlkti qáliplestiriw waqtında beriledi hám onıń dizimnen ótkerilgen huqıqtıń birden-bir obekti sıpatında bar bolıwı dáwirinde saqlanıp turadı;
huqıqtı belgilewshi hújjetler- kóshpes múlkke bolǵan huqıqlardıń júzege keliwin, basqa shaxsqa ótiwin, shekleniwi hám biykar etiliwin belgilewshi hújjetler;
huqıq iyesi- kóshpes múlkke bolǵan huqıqtı mámleketlik dizimnen ótkeriw tiykarında usı kóshpes múlkke baylanıslı huqıqqa iye bolǵan yuridikalıq hám fizikalıq shaxs.
Ózbekstan Respublikası Mámleketlik salıq komiteti janındaǵı Kadastr agentligi kóshpes múlkke bolǵan huqıqlardı mámleketlik dizimnen ótkeriw tarawındaǵı arnawlı wákillikli mámleketlik organı esaplanadı.
Xızmet kórsetiwshiler fizikalıq hám yuridikalıq shaxslarǵa kóshpes múlkke bolǵan huqıqlardı mámleketlik dizimnen ótkeriw boyınsha xızmetlerdi dizimnen ótkeriwshi organ menen elektron axborot almasıw arqalı kórsetedi.
Xızmet kórsetiwshilerge tómendegiler kiredi: Mámleketlik xızmetler orayları, notariuslar, rieltorlıq shólkemler, kommerciyalıq bankler, Ózbekstan Respublikası Mámleketlik aktivlerin basqarıw agentligi, Ózbekstan Respublikası Prezidentiniń qararlarında basqa yuridikalıq hám fizikalıq shaxslarda xızmet kórsetiwshiler sıpatında belgileniwi múmkin.
Arza beriwshi kóshpes múlkke bolǵan huqıqtı mámleketlik dizimnen ótkeriw ushın xızmet kórsetiwshige múrájat etedi, mámleketlik xızmetten elektron kóriniste paydalanıw ushın Birden-bir interaktiv mámleketlik xızmetler portalında yaki dizimnen ótkeriwshi organnıń veb-saytında dizimnen ótedi.
Arza beriwshi huqıqtı mámleketlik dizimnen ótkeriw ushın xızmet kórsetiwshige múrájat etkende, xızmet kórsetiwshi qánige arza beriwshi atınan arza toltıradı. Úshinshi shaxslar atınan háreket qılǵan jaǵdayda sorawnamaǵa isenimnama qosımsha qılınadı.
Arzaǵa Nızamda názerde tutılǵan huqıqtı belgilewshi hújjetler qosımsha etiledi.
Bir jıldan kem bolmaǵan múddetke dúzilgen kóshpes múlk obektlerin ijaraǵa beriw shártnamasıda mámleketlik dizimnen ótkeriw ushın tiykar boladı.
Arzada kóshpes múlk obektiniń túri, mámleketlik dizimnen ótkeriliwi lazım bolǵan huqıq, kadastr hújjeti tayarlanǵan yaki qayta rásmiylestirilgen kóshpes múlk obektiniń ataması hám hújjet tayarlanǵan sáne (bar bolsa) kórsetiledi.
Kóshpes múlk obektleriniń turar jay bólimine kadastr hújjetin tayarlawǵa tómendegiler tólenedi:
Kóp xanalı úydegi xanalarda -obektttiń 1 kvadrat metr maydanı ushın bazalıq esaplaw muǵdarınıń 1,15 % payızı, jeke tártiptegi turar jaylar ushın - obekttiń 1 kvadrat metr maydanı ushın bazalıq esaplaw muǵdarınıń 1,15 % payızı;
Kóshpes múlk obektleriniń naturar bina hám imaratlarǵa baylanıslı bólimine kadastr hújjetin tayarlawda:
ulıwma maydanı 100 kvadrat metrge shekem bolǵan kóshpes múlkke-bazalıq esaplaw muǵdarınıń 1 esesi;
ulıwma maydanı 100 kvadrat metrden 1000 kvadrat metrge shekem bolǵan kóshpes múlkke obekttiń 1 kvadrat metr maydanı ushın bazalıq esaplaw muǵdarınıń 1,15 % payızı;
ulıwma maydanı 1000 kvadrat metrden 5000 kvadrat metrge shekem bolǵan kóshpes múlkke bazalıq esaplaw muǵdarınıń 17,25 esesi;
ulıwma maydanı 5000 kvadrat metrden 15000 kvadrat metrge shekem bolǵan kóshpes múlkke bazalıq esaplaw muǵdarınıń 34,5 esesi;
ulıwma maydanı 15000 kvadrat metrden 50000 kvadrat metrge shekem bolǵan kóshpes múlkke bazalıq esaplaw muǵdarınıń 57,5 esesi;
ulıwma maydanı 50000 kvadrat metrden artıq bolǵan kóshpes múlkke bazalıq esaplaw muǵdarınıń 80,5 esesi muǵdarında mámleketlik bajı óndiriledi.
Kegeyli rayonı ádillik bólimi Mámleketlik
xızmetler orayı direktorı A.K.Dauekeev