Янгиликлар
15
Nókis rayonı Mámleketlik xızmetler orayı tárepinen 2023-jıl dawamında ámelge asırılǵan jumıslar boyınsha maǵlıwmat
Nókis rayonı Mámleketlik xızmetler orayı tárepinen 2023-jıl dawamında ámelge asırılǵan jumıslar boyınsha maǵlıwmat
Nókis rayonı Ádillik bólimi mámleketlik xızmetler orayı tárepinen 2023-jıl dawamında fizikalıq hám yuridikalıq shaxslarǵa jámi 22666 mámleketlik xızmetler kórsetilgen bolıp, sonnan 20343 fizikalıq shaxslarǵa 2323 yuridikalıq shaxslarǵa mámleketlik xızmetler kórsetildi.
Bunnan tısqarı 5159 internet tarmaǵı (my.gov.uz) arqalı mámleketlik xızmetlerden paydalanılǵan bolıp oray arqalı kórsetilgen xızmetlerge salıtırǵanda 22,8% puqaralar internet tarmaǵı arqalı mámleketlik xızmetlerden paydalanılǵan.
Sonday aq, oray tarepinen MPJ, APJ aymaqlarına shıǵıp 1610 kóshpeli mámleketlik xızmetler hámde 100 isbilermenlik sub'ektleri kóshpeli tártipte mámleketlik dizimnen ótkerildi.
Isbilermenlik sub'ektlerin mámleketlik dizimnen hámde qayta dizimnen ótkeriw boyınsha Nókis rayonı Mámleketlik xızmetler orayı tárepinen 2023-jıl dawamında yuridikalıq sub'ekt sıpatında jańadan jami 191 mámleketlik dizimnen ótken bolıp sonnan 69 internet tarmaǵı arqalı (bo.birdarcha.uz saytınan) mámleketlik dizimnen ótken, al fizikalık tárep sıpatında jańadan jámi 487 jeke tártiptegi isbilermenler mámleketlik dizimnen ótkn bolıp sonan 92 internet tarmaǵı arqalı (bo.birdarcha.uz saytınan) mámleketlik dizimnen ótken.
Isbilermenlik sub'ektlerin qayta dizimnen ótkeriwde jami
255 (sonnan 36 internet arqalı) yuridikalıq sub'ektler qayta mámleketlik dizimnen ótken, al fizikalık tárep sıpatında jámi 53 (sonnan 8 internet arqalı) jeke tártiptegi isbilermenler qayta mámleketlik dizimnen ótken.
Sonday-aq, Nókis roayonı MXOda 2023-jıldıń dawamında Ózbekstan Respublikası Ministrler Kabinetiniń 2019-jıl 21-avgust kúngi 704-sanlı qararına tiykar óz arzaları boyınsha 66 yuridikalıq sub'ekt 62 jeke tartiptegi isbilermenler saplastırıldı. Sonday-aq 23 yuridikalıq sub'ekt sud uyǵarıwına tiykar bankrot dep tabılıp hám 4 yuridikalıq sub'ekt basqa yuridikalıq sub'ektke qosılıp ketip saplastırıldı.
Sonıń menen birge óz jumısların waqtınsha toqtatqan 230 jeke isbilermen hám 35 jeke isbilermen óz jumısın qayta dawam etirdi.
Kórsetilip atırılǵan mámleketlik xızmetlerge wákillikli organlar tárepinen sebepsiz biykar etiw boyınsha (otkaz) juwapları, múddeti buzılǵan hámde tiykarsız bas tartıw jaǵdayları boyınsha mánzilli tárizde analizlep barılıp hám bul boyınsha 2023-jıl dawamında Ministrlikke sistema arkalı jámi 184 arnawlı xabarnamalar berilgen bolıp, sonnan 55 múrájat tiykarsız qaytarılǵan, 110 múrájattıń múddeti buzılǵan hámde 19 múrájat basqa hár túrli sebeplerge baylanıslı qaytarılǵanlıǵı anıqlandı.
Nókis rayonı Mámleketlik xızmetler orayları xızmetkerleri tárepinen 2023-jıl dawamında huqıqıy úgit násiyat jumısların ámelge asırıw boyınsha Rejege tiykar óz waqtında, mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hámde puqaralarǵa jaratılıp atırǵan qolaylıqlar, birden-bir interaktiv mámleketlik xızmetler portalınan “Mobil-ID” sistemasınan dizimnen ótken halda paydalanıw bul óz gezeginde mámleketlik xızmetlerden elektron sanlı qoltańbasız paydalanıw imkaniyatı hámde isbilermenlik benen shuǵıllanbaqshı bolǵan puqaralarǵa, yuridikalıq subekt hám jeke tártiptegi isbilermenlik subektleri haqqında rayon aymıǵında jaylasqan APJ hám MPJ aymaqlarında huqıqıy úgit násiyat jumısların alıp barmaqta.
Atap aytqanda oray xızmetkerleri tárepinen jámi 7 ǵalaba xabar quralları arqalı járiyalandı, sonnan 5 televidenie hámde 6 radio arqalı shıǵıwlar bolıp 2 gazeta hám 6 veb sayt arqalı maqalalar shıǵarıldı.
Sonıń mene bir qatarda 10 oqıw seminarlar, 7 márte dóńgelek stol átirapında sáwbetlesiw, hámde úyme-úy barıp 205 den aslam huqıqıy úgit násiyat jumısları alıp barılıp 1610 kóshpeli mámleketlik xızmetler hámde 100 isbilermenlik sub'ektleri kóshpeli tártipte mámleketlik dizimnen ótkerildi. Huqıqıy úgit násiyat jumısların tiykarınan 10 márte bilimlendiriw orınlarında, 123 márte máhállelerde hámde
7 márte mákeme hám shólkemlerde alıp barıldı. Bul huqıqıy úgit násiyat jumıslarına 1052 den aslam qatnasıwshı menen támiyinlenip, bul qatnasıwshılarǵa 15 túrdegi bukletlerden 1672 den aslam bukletler tarqatıldı.
Nókis rayonı ádillik bólimi
mámleketlik xızmetler
orayı direktorı B.Auezov