Янгиликлар
15
Avtotranport quralın basqarıw huquqın beriwshi isenimxattı elektron túrde rásmiylestiriw tártibi
Avtotranport quralın basqarıw huquqın beriwshi isenimxattı elektron túrde rásmiylestiriw tártibi
Sońǵı jıllarda mámleketimizde avtomototransport qurallarınan paydalanıwda xalıqqa qosımsha qolaylıqlar jaratıw, olar menen baylanıslı notarial háreketlerdi sanlastırıw boyınsha sistemalı jumıslar ámelge asırılmaqta.
Sonday-aq, avtomototransport quralın basqarıw huqıqın beretuǵın isenim xatın rásmiylestiriw boyınsha eskirgen tártipte qalıp atırılǵanlıǵı xalıqtıń artıqsha áweregeshiliklerine sebep bolmaqta.
2022 jıl 1 sentyabrden avtotransporttı basqarıw ushın isenim xatlardı Birden-bir ınteraktiv mámleketlik xızmetler portalı arqalı (my.gov.uz) elektron rásmiylestiriw jolǵa qoyıldı.
Bunda arza beriwshi mámleketlik xızmetten paydalanıw ushın BbIMXPda dizimnen ótedi hám de sorawnamanı elektron túrde ǵárezsiz toldıradı.
Isenim xat “Notarius” AAT arqalı dizimge alınadı.
Bunda isenim xatqa kirgiziletuǵın shaxslar sanına sheklew qoyılmaydı.
Isenim xattı elektron formada rásmiylestiriw ushın mámleketlik bajı onıń ámel qılıw múddetinen kelip shıqqan halda, Ózbekstan Respublikasınıń “Mámleketlik bajı haqqıda”ǵı Nızamında isenim xattı notarial tastıyıqlaw ushın belgilengen mámleketlik bajına salıstırǵanda tómendegi payızlarda tólenedi:
bir ayǵa shekem bolǵan múddetke — 10 payız;
bir aydan artıq hám altı ayǵa shekem bolǵan múddetke — 50 payız;
altı aydan artıq hám úsh jılǵa shekem bolǵan múddetke — 100 payız.
Mámleketlik bajı isenim xattı rásmiylestiriwden aldın tólenedi.
Sonday-aq, I-II topar mayıplıǵı bolǵan shaxslarǵa mámleketlik bajını tólewde 50 payız muǵdarında shegirme qollanıladı.
Sorawnamaǵa kiritilgen maǵlıwmatlar “Notarius” AATde dizimge alınadı hám real waqıt rejiminde QR-kod qoyılǵan isenim xat qáliplestiredi.
Elektron formada QR-kod qoyılǵan halda rásmiylestirilgen isenim xat notarial tastıyıqlanǵan isenim xat penen birdey yuridikalıq kúshke iye esaplanadı.
Qanlikól rayonı ádillik bólimi MXO direktorı A Nizamatdinov