Янгиликлар
15
Qońırat rayonı ádillik bólimi yuridikalıq xızmet kórsetiw orayınıń 2023-jıl dawamında islegen jumısları haqqında
Qońırat rayonı ádillik bólimi yuridikalıq xızmet kórsetiw orayınıń 2023-jıl dawamında islegen jumısları haqqında
Ózbekstan Respublikası Prezidentiniń «Mámleketlik uyımları hám mákemelerine yuridik xızmet kórsetiwdi jánede jedelestiriw is-ilájları haqqında» ǵı 2021-jıl 29-iyun kúngi 5168-sanlı qararına muwapıq 2021-jıl oktyabr ayınan baslap Qońırat rayonı ádillik bólimi yuridikalıq xızmet kórsetiw orayı shólkemlestirilgen edi.
Qońırat rayonı ádillik bólimi yuridikalıq xızmet kórsetiw orayı
2023-jıl dawamında mámleketlik uyımlarǵa sıpatlı hám qániygeli yuridikalıq járdem kórsetiw;
mámleketlik uyımlardıń xızmetkerleriniń huquqıy sawatqanlıǵın hám huquqıy mádaniyatın asırıw;
mámleketlik uyımlardıń múlkiy hámde basqa huquqları hám nızamlı máplerin óz waqtında, hár tárepleme hám sıpatlı qorǵawdı támiynlew;
mámleketlik uyımlar tárepinen qabıl etilip atırǵan hújjetlerdiń nızamlı hámde hár tárepleme puqta bolıwın támiynlew maqsetinde bir qansha jumıslardı ámelge asırdı.
Qońırat rayonı ádillik bólimi yuridikalıq xızmet kórsetiw orayı tárepinen mámleketlik uyımlarǵa yuridikalıq xızmet kórsetiw «E-huquqshunos» elektron sisteması arqalı ámelge asırıldı. Yuridikalıq xızmet kórsetiletuǵın mámleketlik uyımlar hám mákemelerden kelip túsken yuridikalıq hújjetler yuridikalıq xızmet kórsetiw orayı tárepinen úsh jumıs kúninde kórilip shıǵılıp yuridikalıq juwmaqlar beriledi.
Qońırat rayonı ádillik bólimi yuridikalıq xızmet kórsetiw orayı házirgi kúnde Joqarıdaǵı Prezident qararı tiykarında 118 mámleketlik uyımlar hám mákemelerge yuridikalıq xızmet kórsetip kelmekte.
2023-jıl dawamında xızmet kórsetiwshi mákemelerden yuridikalıq xızmet kórsetiw orayına 30 841 buyrıq 33 163 shártnama hámde 85 talapnama jámi 64 089 hújjetler kelip túsip oray xızmetkerleri tárepinen huquqiy juwmaqlar berildi.
Qońırat rayonı ádillik bólimi yuridikalıq xızmet kórsetiw orayı xızmetkerleri tárepinen 2023-jıl dawamında mámleketlik uyımlardıń xızmetkerleriniń huquqıy sawatqanlıǵın hám huquqıy mádaniyatın asırıw maqsetinde 277 awızeki 43 ǵalaba xabar qurallarınan hámde 357 zamanogóy málimleme texnologiyaları arqalı jámi 677 mártebe huquqıy úgit násiyat ilajları ámelge asırıldı.
Qońırat rayonı ádillik bólimi yuridikalıq xızmet kórsetiw orayı mámleketlik uyımları tárepinen qabıl etilip atırǵan hújjetlerdiń nızamlı bolıwın támiynlew hámde xalqımızdıń huquqıy sawatqanlıǵın turaqlı túrde asırıp barıw boyınsha óz jumısların dawam ettiredi.
Qońırat rayonı
ádillik bólimi yuridikalıq
xızmet kórsetiw orayı
baslıǵı Kaliyev Aydos Qazaxbaevich