Янгиликлар
12
Taqiyatas rayonı ádillik bóliminiń 2023 jıl dawamında jumıs iskerliginen
Taqiyatas rayonı ádillik bóliminiń 2023 jıl dawamında jumıs iskerliginen
2023 jıl dawamında Ádillik ministrligi sistemasında zamanagóy basqarıw usılları ámeliyatqa engiziliwi múnasábeti menen rayon (qala) ádillik bólimleriniń jumıs iskerliginde talap kúsheytirilip, xızmetkerlerdiń juwapkershiligi jánede asırıldı.
Nátiyjede ádillik bólimleri aldına qoyılǵan wazıypalardı ámelge asırıw, atap aytqanda puqaralar múrájatları menen islesiw, monitoringler ótkeriw, rayon (qala) dárejesindegi mekeme hám shólkemlerde huqıqtı qollaw ámeliyatın úyreniw, nızamshılıqtaǵı jańalıqlar hám mámleket siyasatın jetkeriw boyınsha nátiyjelik arttı.
Taqıyatas rayonı ádillik bólimine 2023 jıl dawamında jámi 167 arza hám shaǵımlar kelip túsip, sonnan qanaatlantırılǵan arza hám shaǵımlar sanı 117 di, huqıqıy túsinik berilgeni 42 di hámde 8 múrájat tiyisliligi boyınsha jiberildi.
Norma dóretiwshiligi salasında sociallıq qorǵaw, isbilermenlik, tálim hám basqa tarawlarǵa tiyisli nızamshılıqtı jetilistiriw júzesinen 8 usınıs islep shıǵıldı.
Rayon hákimligi hám Xalıq deputatları rayonlıq Kenesiniń 17 normativlik-huqıqıy hújjet joybarları huqıqıy ekspertizadan ótkeriw ushın kelip túsip, sonnan 9 hújjet joybarı huqıqıy ekspertizadan ótkerilip, 8 hújjet joybarı belgilengen talaplarǵa ámel etilmegenligi sebepli qaytarılǵan.
Bólim tárepinen puqaralardıń huqıq hám máplerin qorǵaw boyınsha bir qansha jumıslar ámelge asırıldı. Atap aytqanda, puqaralardıń mápinde puqaralıq sudqa 58 arza hám dawa arzalar kirgizildi.
Bunnan tısqarı, mekeme hám shólkemlerde 31 úyreniw hám monitoring ótkerildi. Sonnan, insan huqıqların qorǵaw salasında - 7, mámleket xızmetlerin kórsetiw salasında - 5, Sociallıq-ekonomikalıq tarawda huqıqtı qollaw ámeliyatın úyreniw salasında -6, Huqıqıy úgit-násiyat salasında – 1, yuridikalıq xızmet iskerligi salasında – 1 hámde basqa tarawlarda - 11 úyreniw hám monitoring quraǵan.
Ótkerilgen úyreniw hám monitoring dawamında 2570 nızam buzılıw jaǵdayları anıqlanıp, olardı saplastırıw boyınsha mekeme hám shólkemlerge jámi 53 usınıs, 49 hákimshilik usınıs hám 2 jınayıy usınıs kirgizildi.
Kiritilgen tásir sharalar nátiyjesinde puqaralar paydasına jámi 3 mlrd 670 mln 940 mıń swm is-haqıları hám basqa dáramatları óndirildi hámde 34 lawazımlı shaxslar hákimshilik juwapkershilikke tartıldı.
Puqaralardıń huqıqıy sana-sezimine jáne mádeniyatın asırıw boyınsha 2023 jıl dawamında bólim xızmetkerleri tárepinen jámi 827 úgit-násiyat (tv-25, radio-31, gazeta-17) jumısları alıp barıldı.
Taqiyatas rayonı ádillik bólimi
bas másláháshisi
B.Kalbaev