Янгиликлар
29
Korrupciyaǵa qarsı gúresiw dáwir talabı
Korrupciyaǵa qarsı gúresiw dáwir talabı
Korrupciya hár qanday mámleket hám jámiettiń siyasıy – ekonomikalıq rawajlanıwina, óz tásirin tiygizip, eń dáslep mámleket qarjıları hám resursların orınsız bólistiriliwine hám sarplanıwına sebep boladı, bul bolsa óz nawbetinde mámleket apparatınıń jumıs ónimdarlıǵın tómenletip, insan huqıq hám erkinlikleriniń buzılıwına alıp keledi.
Mámleketimizde 2017-jıl 3-yanvar kúni “Korrupciyaǵa qarsı gúresiw haqqında” ǵı Ózbekstan Respublikasınıń Nızamı qabıl etilip, korrupciyaǵa qarsı gúresiwdiń huqıqıy mexanizmi islep shıǵıldı. Usı nızamnıń 3-statyasında korrupciyaǵa tiyisli huqıqbuzarlıqlarǵa tán bolǵan túsiniklerge táriyp berilgen, yaǵnıy korrupciya shaxstıń óz lawazım yáki xızmet babınan jeke máplerin gózlep materiallıq yaki materiallıq emes payda alıw maqsetinde nızamǵa qayshı túrde paydalanıwı sonday-aq bunday paydanı nızamǵa qayshı túrde usınıwı bolıp esaplanadı.
Korrupciyaǵa qarsı gúresiwde xalıqtıń huqıqıy sana hám huqıqıy mádeniyatın joqarılatıw, mámleket organları hám basqada mákemelerdiń xızmetkerleriniń huqıqıy sawatlılıǵın asırıw máseleleri búgingi kúnniń tiykarǵı wazıypalarınıń biri.
Xojeli rayonı ádillik bólimi PHAJ
bólimi inspektorı Z.Mambetsharipova