Янгиликлар
28
Ata-ana qaramaǵınan ayırılǵan balalardıń huqıq hám máplerin qorǵaw
Ata-ana qaramaǵınan ayırılǵan balalardıń huqıq hám máplerin qorǵaw
Balalar huqıq hám máplerin ata-anaları yamasa olardıń nızamlı wákilleri talap etedi. Biraq olardań ayırılǵanda balalar huqıqları hám mápleri boyınsha kim háreket etedi? 1998-jılı 30-aprel kúni qabıl etilgen Ózbekstan Respublikası Shańaraq kodeksiniń 148-statyasına tiykar ata-ana qaytıs bolǵanda, ata-analıq huqıqınan ayırılǵanda, olardıń ata-analıq huqıqı sheklengende, olar háreketke uqıpsız dep tabılǵanda, kesel bolǵanda, uzaq múddet bolmaǵanda, ata-ana balalardı tárbiyalaw yamasa olardıń huqıq máplerin qorǵawdan bas tartıw, sonıń ishinde ata-ana tárbiya, emletiw, xalıqtı sociallıq qorǵaw mákemelerı hám soǵan usas basqa mákemelerdegi balasın alıwdan bas tartqanda, sonday-aq ata-ana qaramaǵınan ayırılǵan basqa jaǵdaylarda balalardıń huqıqları hám máplerin qorǵaw qáwenderlik hám ámengerlik organlarına júkletilgen.
Ámengerlik 14 jasqa tolmaǵan jetim balalardı hám ata-anasınıń qaramaǵınan ayırılǵan balalardıń, sonday-aq sud tárepinen háreketke uqıpsız dep tabılǵan puqaralardı olarǵa támiynat, tárbiya hám tálim beriw, olardıń múlkiy hám shaxsiy múlkiy emes huqıqları hám nızamlı máplerin qorǵaw maqsetinde belgilenedi. Qáwenderlik on tórt jastan on segiz jasqa shekem jetim balalardı hám ata-anasınıń qaramaǵınan ayırılǵan balalardı, sonday-aq sud tárepinen háreket uqıplılıǵı sheklengen puqaralardıolarǵa támiynat, támiynat, tárbiya hám tálim beriw, olardıń múlkiy hám shaxsiy múlkiy emes huqıqları hám nızamlı máplerin qorǵaw maqsetinde belgilenedi. Qáwenderlik hám ámengerlik organlarınıń ata-ana qaramaǵınan ayırılǵan balalar boyınsha wazıypaları Ózbekstan Respublikası “Qáwenderlik hám ámengerlik haqqında”ǵı 02.01.2014 jıl 364-sanlı Nızamı menen tártipke salınadı.
Qońırat rayonı ádillik bólimi 1-sanlı
PHAJ bólimi meńgeriwshisi
Abıniyazova Gulrano Muratbaevna