Янгиликлар
27
Bir múrájat izinen
Bir múrájat izinen
Ózbekstan Respublikası Prezidentiniń 2018-jıl 13-apreldegi Ózbekstan Respublikası ádillik ministrligi iskerligin jáne de jedellestiriwge baylanıslı is-ilájlar haqqındaģı PQ-3666-sanlı qararı menen rayon (qala) ádillik bólimleriniń tiykarģı wazıypaları belgilep berildi. Sol tiykarģı wazıypalardıń biri bul Huqıqtı qollaw ámeliyatin úyreniw hám analizlew, onıń turaqlılıģı hám bir qıylılıģın taminlew boyınsha usınıslar islep shıģıw, insan huqıqların qorģaw boyınsha is-ilájlardı ámelge asırıw, óz wákillikleri sheńberinde fizikaliq hám yuridikaliq shaxslardıń múrájatların kórip shıģıw bolıp esaplanadı.
Nókis rayonı ádillik bólimi tárepinen, puqara D.S.A. qosımsha is haqı esabında tólenetuģın kóp jıllıq stajı ushın ústeme pulları usı kúnge shekem tólep berilmegenligi ústinen narazılıģın bildirgen múrájatı úyrenip shıģıldı.
Úyreniw barısında, puqara D.S.A. haqıyqatanda Nókis mámleketlik toģay xojalıģınıń buyrıģına tiykar toģay xojalıģına jumısqa alınģan hám 2022-jıl noyabr ayınan 2023-jıl aprel ayları aralıģında islegen dáwirleri ushın kóp jıllıq miynet stajına qosımsha ústeme pulları tólenbesten qalģanı anıqlandı.
Ózbekstan Respublikası Ministrler Kabinetiniń 2017-jıl 19-iyul kúngi “Toģay xojalıģın basqarıw sistemasın jánede jedellestiriw is-ilájları haqqında”ģı 530-sanlı qararı menen tastıyıqlanģan 7-qosımshasındaģı “Toģay xojalıģı mámleketlik komiteti hám onıń sistemasına kiriwshi mákemelerdiń xızmetkerleri miynetine haqı tólew hám olardı materiallıq xoshametlew haqqında”ģı nızamına tiykar hár ayda ulwma is stajı ushın belgilengen lawazım ayliq is haqına qosımsha usteme hár ayda tarif setkası hám shtat kestesine tiykar (1-jıldan 3-jılģa shekem 10 payız; 3-jıldan 5-jılģa shekem 20 payiz; 5-jıldan 8-jılģa shekem 30 payiz; 8-jıldan 10-jılģa shekem 40 payiz; 10-jıldan 15-jılģa shekem 50 payiz; 15-jıldan 20-jılģa shekem 60 payiz; 20- jıldan 25-jılģa shekem 70 payiz; 25 jildan artiģina 80 payiz;) tóleniwi kórsetilgen.
Bul jaģday boyınsha Nókis mamleketlik toģay xojalıģınan alınģan 2023-jıl
5-iyun kúngi 63-sanlı xatinda toģay xojalıģında islewshi D.S.A. miynet stajı 36 jıl
5 kún bolıp, esaplanģan ústeme pulı 10 076 696 (on million jetpis altı mıń altı júz toqsan altı) swmdı quraytuģının, biraq esap betinde puldıń bolmawına baylanıslı tólep bere almaslıģın bildiredi.
Ózbekstan Respublikasıniń 1995-jıl 21-dekabrdegi Miynet kodeksiniń (keyingi orınlarda Kodeks dep júritiledi) 154-statyasında, jumıs beriwshi óziniń finanslıq jaģdayına qaramastan, xızmetkerge orınlaģan jumısı ushın is haqısın belgilengen miynet haqı shártlerine muwapıq usı Kodekstiń 161-statyasında kórsetilgen múddetlerde tólewi shárt dep kórsetilgen.
Kodekstiń 161-statyasında, miynetke haqı tólew múddetleri jámiyetlik shártnaması yáki basqa lokal normativ hújjette belgilenedi hám hár yarım ayda bir márteden kem bolıwı múmkin emesligi názerde tutılģan.
Joqarıdaģılarģa hám Ózbekstan Respublikası Prezidentiniń 2018-jıl
13-apreldegi PQ-3666-sanlı Qararı menen tastıyıqlanģan “Ózbekstan Respublikası Ádillik ministrligi haqqında”ģı Reje talaplarına muwapıq, Nókis mamleketlik toģay xojaliģina, puqara D.S.A. 2022-jıl noyabrden 2023-jildiń usi kúnine shekemgi dáwir ushın lawazım is-haqısınıń kóp jıllıq miynet stajı boyınsha tólenbesten qalģan 10 076 696 (on million jetpis altı mıń altı júz toqsan altı) swm ústeme pulların óndiriwdi ámelge asırıw minnetlemesin júklewin sorap Puqaralıq isleri noyinsha Nókis rayonlarara sudına dawa arza kiritiw nátiyjesinde,puqara D.S.A. mápin kózlep kiritilgen dawa arza sud tárepinen qanaatlandırıldı.
Nókis rayonı ádillik bólimi bas másláhatshısı A.Dastenov