Янгиликлар
25
Jańa Konstituciya Mámleket oqıtıwshılardıń ar namısı hám qadır qımbatın qorǵaw, olardıń sociallıq hám materiallıq parauanlıǵı, kásiplik jaqtan jetilisiwi haqqında ǵamxorlıq etedi.
Jańa Konstituciya Mámleket oqıtıwshılardıń ar namısı hám qadır qımbatın qorǵaw, olardıń sociallıq hám materiallıq parauanlıǵı, kásiplik jaqtan jetilisiwi haqqında ǵamxorlıq etedi.
Búgingi kúni mámleketimiz óz rawajlanıwınıń jańa basqıshına qádem qoymaqta. Jańa Ózbekstannıń rawajlanıw strategiyasında belgilengen ádalatlı hám xalıqshıl mámleket qurıw jolında úlken áxmiyetke iye bolǵan wazıypalardı tolıq júzege shıǵarıw konstituciyalıq reformalardı ámelge asırıwdı talap etedi.
Mámleketimiz basshısı Sh.M.Mirziyoev «hár bir watanlasımız Tiykarǵı nızamımızdı – meniń Konstituciyam dep maqtanısh etetuǵın joqarı dárejege alıp shıǵıw – biziń baslı maqsetimiz» dep atap ótken edi.
Solay eken, konstituciyalıq reformalar tiykarında jańalanǵan Konstituciya insan, onıń huqıq hám erkinliklerin joqarı qádiriyat sıpatında belgilep beriwshi ideya hám normalardı ózinde jámlegen, mámlekettiń barlıq aymaǵında joqarı yuridikalıq kúshke iye, tuwrıdan-tuwrı ámel qılıwshı hújjet sıpatında Jańa Ózbekstan strategiyasın ámelge asırıwdıń siyasiy-huqıqıy tiykarların belgilep berdi.
Konstituciyada Ózbekistan huqıqıy mámleket ekenliginiń ayrıqsha belgileniwi – mámleket óz iskerligin, jámiyet hám puqaralardıń jasaw tárizin tek Konstituciya hám nızamlar tiykarında da ámelge asırılıwın támiynleydi.
Insan huqıq hám erkinliklari xalıqaralıq huqıq hám Konstituciya normalarına muwapıq kepilleniwi, olar nızamshılıq hám mámleketlik uyımlar iskerliginiń mazmunın belgilep beriwi hámmeniń nızam aldında teńligin hám nızamnan hesh kim ústin emesligin támiynlew, insanlar sanasına nızamlarǵa húrmet hám ámel etip jasaw lazımlıǵın sińdiriw, ulıwma alǵanda, mámleketlik uyımlardıń xalıqqa xızmet qılıwı ushın bekkem huqıqıy tiykar boladı.
Jańa redakciyadaǵı Konstituciya mazmunı «Insan qádiri ushın» ideyası hám «Insan-jámiyet- mámleket» principi tiykarında islep shıǵıldı.
Bilimlendiriw hám ilim-pánge baylanıslı normalar derlik 2 esege asırılıp, tiykarınan joqarı oqıw orınlarına mámleketlik grant esabınan oqıw huqıqı, puqaralardıń biypul baslanǵısh kásip-ónerge oqıtılıwı, inklyuziv tálimniń engiziliwi, joqarı oqıw orınları nızamǵa muwapıq akademiyalıq erkinlik, ózin-ózi basqarıw, izertlewler ótkiziw hám oqıtıw erkinligi belgilendi. Ózbekstan Respublikası joqarı bilimlendiriw sistemasın 2030 jılǵa shekem rawajlandırıw Koncepciyasında da joqarı oqıw orınlarınıń akademik hám finanslıq erkinligin támiynlew joqarı bilimlendiriwdegi tiykarǵı baǵdarlardan biri sıpatında belgilendi.
Konstituciyamızǵa bul normanıń kiritiliwi joqarı bilimlendiriw hám ilimiy izertlew iskerliginiń rawajlanıwına, professor-oqıtıwshılar hám studentlerdiń oqıw hám ilimiy iskerligi erkinligin támiynlewge, bul tarawǵa sırtqı aralasıwdı sheklewge xızmet qıladı.
Mámleketimiz basshısı Sh.M.Mirziyoev « Oqıtıwshınıń abıroy itibarı – bul eń dáslep millettiń, putkil xalıqtıń abıroy itibarı» ekenin atap ótip, mámleketimizde oqıtıwshınıń miyneti jámiyet hám mámleketti rawajlandırıw, salamat, jetik áwladtı qáliplestiriw, tárbiyalaw, xalıqtıń ruwxıy, mádeniy potencialın saqlaw hám bayıtıwdıń tiykarı retinde tán alınıp, mámleket oqıtıwshılardıń ar-namısı hám qádir-qımbatın qorǵaw, olardıń sociallıq hám materiallıq párawanlıǵı, kásiplik jaqtan jetilisiwi haqqında ǵamqorlıq etiwi konstituciyalıq norma dárejesinde bayan etildi. Bul norma Uchinchi Renessanstıń tayanısh ústinlerinen biri bolǵan oqıtıwshınıń “millet jaratıwshısı” statusın bekkemlep berdi.
Hár qanday xalıqtıń jetiklik dárejesin, dáslep, hayal-qızlardıń ilimiy-mádeniy kámilligi belgilep beredi. Olardıń bilim alıwları, ilim menen shuǵıllanıwları ushın sharayat jaratıw mámlekettiń ayrıqsha wazıypasına aylandı.
Demek, búgingi kúni jańa Ózbekstanda demokratiyalıq principler, insan huqıq hám erkinlikleri támiyinlew ulıwma tán alınǵan princip hám normalarǵa tiykarlanıp, bas maqseti xalıq ushın erkin, abat hámde párawan turmıs jaratıp beriwden ibarat ekenligin isenim menen ayta alamız.
Taqıyatas rayonı Ádillik bólimi
PHAJ bólimi baslıǵı V. X. Fayzullayeva