Янгиликлар
25
PHAJ bóliminiń iskerligi haqqında
PHAJ bóliminiń iskerligi haqqında
Búgingi kúnde mámleketimiz tárepinen rawajlanıw jolında bir qansha is-ilajlar, insan qádiri ushın hám puqaralardıń máplerin gózlegen nızam hám qararlar islenip shıǵılǵan. Alıp barılıp atırǵan nátiyjeli reformalar nátiyjesinde mámleketlik xızmet kórsetiwde hám onnan paydalanıwda elektron húkimettiń ornı barǵan sayın ósip atır. PHAJ tarawında mámleketlik xızmet kórsetiwde hám onnan paydalanıwda elektron húkimettiń ornı girewli. Házirgi waqıtta tuwılǵanlıqtı hám ólimdi dizimge alıw menen baylanıslı kompleks mámleketlik xızmet kórsetiw hákimshilik reglamentine tiykar jumıs alıp barılmaqta.
Qanlıkól rayonında usı jıldıń ózinde mıńnan artıq jańadan tuwılǵan balalarǵa tuwılıw haqqında guwalıq berildi. Sonday-aq basqa rayonda dizimde alınǵan tuwılıw, neke, nekeden ajırasıw hám de ólim haqqında guwalıǵın qayta alıp beriwde, perzentlikke alıw hám atalıq belgilew menen baylanıslı xızmetler eksterritorial principi tiykarında puqaralarǵa mámleketlik xızmet kórsetilmekte.
Nekeleniwshi shaxslardı nekeden ótkeriw boyınshada bir qansha jeńillikler jaratıldı. Atap aytqanımızda, «My.gov.uz» elektron málimleme sisteması arqalı nekeden ótiw ushın qálegen PHAJ bólimine arza beriw imkaniyatı jaratıldı. Medicinalıq kórikten ótip bolǵannan keyin qálegen PHAJ bólimine medicinalıq kórik juwmaǵın alıp barıp, nekeden ótiw ushın bergen arzasın múráját etken PHAJ bólimi tárepinen orınlaw imkaniyatı jaratıldı. Bul nekeden ótiwshi puqaralarga qálegen PHAJ bóliminen nekeden ótiwine haqısı bar. Rayon boyınsha usı jılda úsh júzden aslam nekeleniwshilerge neke dúzilgenligi haqqında guwalıǵı tapsırıldı. PHAJ organlarınıń tiykarǵı wazıypası fizikalıq ham yuridikalıq shaxslarǵa puqaralıq halatı aktlerin dizimge alıw boyınsha sapalı mámleketlik xızmetler kórsetiw bolıp tabıladı.
Qanlıkól rayonı ádillik bólimi
PHAJ bólimi baslıǵı P.Avezova