Янгиликлар
25
Mal-múlk salıǵı boyınsha jeńillik kimlerge beriledi?
Mal-múlk salıǵı boyınsha jeńillik kimlerge beriledi?
Mal-múlk salıǵı boyınsha jeńillik tolıq yamasa múlktiń bir bólegine qollanıladı.
Salıq kodeksine muwapıq tómendegi puqaralardıń múlkinen mal-múlk salıǵı óndirilmeydi:
«Ózbekstan Qaharmanı», Sovet Awqamı Qaharmanı, Miynet Qaharmanı ataqlarına iye bolǵan, úsh dárejedegi Shuxrat ordeni menen sıylıqlanǵan puqaralar (salıq jeńilligi ataqlardıń gúwalıǵı, dáptershesi yamasa qorǵanıw bóliminiń maǵlıwmatnaması tiykarında beriledi);
urıs mayıpları hám qatnasıwshıları, sonday-aq olarǵa teńlestirilgen shaxslar (salıq jeńilligi urıs qatnasıwshısınıń (mayıbınıń) gúwalıǵı yamasa qorǵanıw bóliminiń yaki basqa wákillikli uımnıń maǵlıwmatnaması tiykarında beriledi);
burınǵı SSSRdı, Ózbekstan Respublikasın qorǵaw yamasa áskeriy xızmettiń yaki ishki isler uyımlarındaǵı hám Ózbekstan Respublikası Milliy gvardiyasındaǵı xızmettiń basqa minnetlemelerin orınlaw waqtında jaralanǵanlıǵı, kontuziya yamasa mayıp bolǵanlıǵı aqıbetinde yaki frontta bolǵanlıǵı menen baylanıslı keselligi sebepli qaytıs bolǵan áskeriy xızmetshilerdiń hám ishki isler uyımları jáne Ózbekstan Respublikası Milliy gvardiyası xızmetkerleriniń ata-anaları hám ómirlik joldasları (jeńillik tiyisli shtamp qoyılǵan yamasa pensiya gúwalıǵın bergen mákeme baslıǵınıń qolı hám móri menen tastıyıqlanǵan pensiya gúwalıǵı).
energiya resurslarınan tolıq úzilgen halda quyash panellerinen paydalanıp atırǵan turaq jay iyeleri quyash panelleri ornatılǵan kúnnen baslap 3 jıl múddetke (bul jeńillik energiya jetkerip beriwshi kárxananıń maǵlıwmatnaması tiykarında beriledi);
jetim balalar hım ata-ana qaramaǵınan ayırılǵan balalar. Bul jeńillik usı balalarǵa mámleket tárepinen berilgen turaq jaylar ushın olar 23 jasqa tolǵanǵa shekem beriledi.
Tómendegi puqaralardıń mal-múlkiniń 60 kv.m. bólegine salıq jeńilligi qollanıladı, yaǵnıy olardıń 60 kv.m.den artıq bólegine salıq salınadı:
10 hám onnan artıq balaları bar ata-analarıń biriniń múlkine (bul jeńillik puqaralar jıyınınıń balaları barlıǵın tastıyıqlawshı maǵlıwmatnaması tiykarında beriledi);
pensionerlerdiń (bul jeńillik pensiya gúwalıǵı tiykarında beriledi);
I hám II topar mayıplıǵı bolǵan shaxslardıń (bul jeńillik pensiya gúwalıǵı yamasa medicinalıq-sociallıq ekseprt komissiyasınıń maǵlıwmatnaması tiykarında beriledi);
Usı stat'yada kórsetilgen shaxslar salıq jeńilliginen paydalanıwı ushın jeńillikke bolǵan huqıqtı tastıyıqlawshı hújjetti mal-múlk jaylasqan jerdegi salıq uyımına tapsırıwı lazım.
Usı statyada belgilengen salıq jeńilligi puqaranıń saylawına qarap tek ǵana bir dana múlkine qollanıladı. Bul sheklew energiya resurslarınan tolıq úzilip quyash panellerinen paydalanıp atırǵan turaq jaylarǵa tásir etpeydi.
Salıq jılına teń muǵdarda ekige bólip 15-aprelge hám 15-oktyabrge shekem tóleniwi kerek.
Tajibaev Rustam Baxadirovich
Qanlıkól rayonı ádillik bólimi
Yuridikalıq xızmet kórsetiw
orayınıń baslıǵı