Янгиликлар
25
«Jaslar dápteri»ne kirgizilgen jaslardıń mobilizaciyalıq shaqırıw rezervindegi xızmetti atqarıwı ushın belgilengen tólemdi tolıq qaplawǵa subsidiya ajıratıladı
«Jaslar dápteri»ne kirgizilgen jaslardıń mobilizaciyalıq shaqırıw rezervindegi xızmetti atqarıwı ushın belgilengen tólemdi tolıq qaplawǵa subsidiya ajıratıladı
Subsidiyanı ajıratıw tártibi:
1. Puqara rayon (qala) qorǵanıw bólimi menen dúzilgen shártnamanıń («Mobilizaciyalıq shaqırıw rezervi qarjıları» arnawlı esap betine tólemdi ótkeriw boyınsha) nusqasın arza menen birge Qáwenderlik keńesine (hákim basshılıǵında dúzilegen kollegial uyım) tapsıradı.
2. Qáwenderlik keńesi 3 jumıs kúni ishinde bul arzanı qarap shıǵıw ushın sol puqara jasaytuǵın máhálledegi jaslar jetekshisine tapsıradı.
3. Jaslar jetekshisi 5 jumıs kúni ishinde arzanı qarap shıǵıp subsidiyanı ajıratıw yamasa ajıratpaw boyınsha xabarnamanı Qáwenderlik keńesine usınadı. Bunda subsidiyanı ajıratıw biykar etilgende onıń sebepleri anıq kórsetiliwi kerek.
Eger jaslar jetekshisi arzanı 5 jumıs kúni ishinde qarap shıqpasa yamasa sebepsiz biykar etse, Qáwenderlik keńesi puqaraǵa subsidiya ajıratıw haqqında qarar qabıl etiwi múmkin.
4. Jaslar jetekshisiniń subsidiya ajıratıw múmkinligi haqqındaǵı xabarnaması kelip túskennen baslap 3 jumıs kúni ishinde Qáwenderlik keńesi puqaraǵa subsidiya ajıratıw haqqında qarar qabıl etedi.
5. Qáwenderlik keńesi qararı tiykarında rayon (qala) hákimligi 3 jumıs kúni ishinde rayon (qala) qorǵanıw bóliminiń Xalıq banki tiyisli filialındaǵı esap betine puqaranıń F.A.Á.a. hám tólemniń maqsetin kórsetken halda subsidiyanı ótkerip beredi.
Qáwenderlik keńesiniń ishsi uyımı Jaslar isleri agentliginiń tiyisli rayon (qala) bólimi esaplanadı.
Tajibaev Rustam Baxadirovich
Qanlıkól rayonı ádillik bólimi
Yuridikalıq xızmet kórsetiw
orayınıń baslıǵı