Янгиликлар
25
Hámledar hayallardı hám balası bar hayallardı jumısqa qabıllawdaǵı kepillikler
Hámledar hayallardı hám balası bar hayallardı jumısqa qabıllawdaǵı kepillikler
Mámleketimizde gender teńligin támiyinlew barısında, hayal-qızlardıń erkekler menen birdey huqıq hám erkinliklerge iye bolıp, ádalatli sharayatlarda miynet etiw huqıqların qorǵaw salasında reformalar dawam etpekte.
Sonıń menen birge, nızamshılıq hújjetlerinde usı normalar qatań belgilenbekte.Atap aytqanda, Ózbekstan Respublikasınıń jańa redakciyadaǵı Konstituciyaniń 42-statyasinda hámledarlıǵı yamasa balası bar bolǵanlıǵı sebepli hayallardı jumısqa qabıllawdı biykarlaw etiw, bosatıw hám olardıń mıynet haqın kemeytiw qadaǵan etiledi.
Sonday-aq, Ózbekstan Respublikası Miynet kodeksınıń 119-statyasinda hámledarlıǵı yamasa balası bar bolǵanlıǵı sebeplerge kóre jumısqa qabıl etpeslik jumısqa qabıllawdı nızamǵa qayshı túrde bas tartiw bolıp tabıladı hám jumısqa qabıllawdı nızamǵa qayshı túrde bas tartiwǵa jol qoyılmaydı.
Ózbekstan Respublikası Prezidentiniń 2022-jıl 21-sentyabrdaǵı PQ-376-san qarari menen hayal-qızlardı jumıs penen támiyinlewge qaratılǵan joybarlar ushın isbilermenlerge mámleketlik grantı ajıratıladı.
Nızamshılıqqa kóre, Máhállelerde hayal-qızlardıń bántligin támiyinlew hám salamatlıǵın bekkemlew orayları shólkemlestiriliwi belgilengen.
Oraylarda bir sociallıq joybar sheńberinde 20 ǵa shekem hayal-qızlardıń turaqlı bántligin támiyinlew maqsetinde bántligi támiyinlenetuǵın hár bir jumıssız hayal-qızlar ushın isbilermenlerge 3 million sumǵa shekem mámleketlik grantı ajıratıladı.
Mámleketlik grantı tómendegi taypadaǵı hayal-qızlardı kásip-ónerge hám isbilermenlikke oqıtıw, olardıń bántiligin támiyinlew hámde isbilermenlik iskerligin baslawına kómeklesiwge qaratılǵan joybarlar ushın ajıratıladı:
“Sociallıq qorǵaw birden-bir reestri”ne, sonday-aq “Hayallar dápteri”ne kirgizilgen;
jumıssız, ásirese, awıllıq orınlarda bala tárbiyası menen shuǵıllanıp atırǵan;
sırt el miynet migraciyasınan qaytıp kelgen;
mayıplıǵı bolǵan miynetke uqıplı jumıssız;
rásmiy bolmaǵan bántlikti qısqartıw maqsetinde kúndelikli miynet iskerligi menen shuǵıllanıp, dáramat toplap atırǵan;
adam sawdasınan hámde basım hám zorlıqtan jábir kórgen, múshkil ekonomikalıq awhalǵa túsip qalǵan;
ulıwma orta hám professional bilimlendiriw mákemelerin pitkergen, Joqarı oqıw mákemesine oqıwǵa kire almaǵan yaki joqarı bilimlendiriwde oqıw ushın imkaniyatı bolmaǵan jumıssız hayal-qızlar;
aldın jınayıy juwapkerlikke tartılǵan, profilaktikalıq dizimge alınǵan, jazanı orınlaw mákemelerinen qaytıp kelgen hayal-qızlar.
Nókis qalasi Yuridikaliq
xizmet kórsetiw orayi
bas yuriskonsulti Sh.Ametov