Янгиликлар
25
Mámleket sho'lkemleri xızmetkerleriniń korrupciyaǵa tiyisli huqıqbuzarlıqlar faktleri haqqında xabar beriw minnetlemesi
Mámleket sho'lkemleri xızmetkerleriniń korrupciyaǵa tiyisli huqıqbuzarlıqlar faktleri haqqında xabar beriw minnetlemesi
Ózbekstan Respublikasında korrupciyanıń aldın alıw hám oǵan qarsı gúresiw, mámleket hám jámiyet qurılısınıń barlıq tarawlarında korrupciogen faktorlarǵa shek qoyıwǵa qaratılǵan keń kólemli reformalar izbe-iz ámelge asırılıp atır.
Mámleket shólkemleri hám shólkemleriniń iskerliginde ashıqlıq hám áshkaralıq támiyinlew hámde lawazımlı shaxslardiń xalıq aldındaǵı esapdarliǵin jolǵa qoyıw arqalı mámleket basqarıwında nátiyjeli hám tásirli jámiyetshilik qadaǵalawın ámelge asırıw ushın zárúr sharayatlar jaratıldı.
Dáslepten korrupciyalıq qáwiplerdi anıqlaw hám sistemalı tallaw, olardı keltirip shıǵarıwshı faktorlardı tártipke salıw ushın juwapker bolǵan ayiriqsha organ - Korrupciyaǵa qarsı gúresiw agentligi dúzildi. Mámleket hákimiyatı shólkemleri hám iri xojalıq jurgiziwshi sub'ektlerde korrupciyaǵa qarsı ishki qadaǵalaw strukturaları iskerligi jolǵa qóyılıp atır.
Usınıń menen birge, qollanilip atirǵan sistemalı sharalarǵa qaramastan, mámleket organlarinda korrupciya jaǵdayları saqlanıp qalmaqta.
Mámleket shólkemlerinde korrupciyaǵa qarsı gúresiw hám korrupciyalıq jaǵdaylardıń waqtınan burın aldın alıw sisteması natiyjeliligin asırıw, korrupciyaǵa salıstırǵanda kompromissiz munasábette bolıw ortalıǵın qáliplestiriw maqsetinde Ózbekstan Respublikasında bir qatar nızamshılıq hújjetleri qabıllandı, atap aytqanda:
Ózbekstan Respublikasınıń “Korrupciyaǵa qarsı gúresiw haqqinda”ǵi, “Mámleketlik puqaralıq xizmeti haqqinda”ǵi, “Mámleket hákimiyatı hám basqarıwı organlari iskerliginiń ashıqlıǵı haqqinda”ǵi hám “Jámiyetshilik qadaǵalawı haqqinda”ǵi Nızamlar qabıl etiliwi usı tarawda baslanǵan reformalardıń ayriqsha huqıqıy tiykarın jarattı.
Ózbekstan Respublikasınıń “Mámleket puqaralıq hizmati haqqinda”ǵi Nızamı menen mámleket xizmetshisiniń minnetlemelerin belgilep berdi. Nızamǵa kóre mámleket puqaralıq xizmetshisi Ózbekstan Respublikasınıń Konstitusiyası, nızamları hám basqa nızamshılıq hújjetlerine ámel etiwi, óz xızmet minnetlemelerin hújdan menen orınlawı, mámleket organı tárepinen belgilengen ádep-ikramliliq qaǵıydalarına, xızmetke tiyisli informaciya menen islew rejimine, sonıń menen birge mámleket puqaralıq xızmetin ótew menen baylanıslı basqa qaǵıydalarǵa ámel etiwi, mápler soqliǵisiwina jol qoymasligi, qalıs bolıwı, mámleket organınıń abirayin túsiriwge alıp keliwi yamasa onıń óz xızmet minnetlemelerin hújdan menen orınlawına gúman tuwdırıwı múmkin bolǵan háreketlerden (hárekecizlikten), sonday-aq óz xızmet minnetlemelerin atqarip atirǵanda hár qanday formadaǵı kemsitiwden, óz xızmet poziciyasinan jeke hám basqa nizamǵa qayshi maqsetlerde paydalanbasligi, sonıń menen birge óz xızmet iskerligine, mámleket shólkemleri, olardıń lawazımlı shaxsları hám puqaralardıń iskerligine nızamǵa qılap tásir kórsetiliwine jol qoymasligi hám basqalar.
Ózbekstan Respublikası Ministrler Kabinetiniń “Mámleketlik puqaralıq xizmetshileri tárepinen ádep-ikramliliq qaǵıydalarına ámel etiliwin támiyinlew boyınsha qosımsha ilajlar haqqinda”ǵi 14. 10. 2022 jıldaǵı 595-san qararinda óz sawleleniwin tapqan.
Qararǵa kóre mámleket organlari, Qaraqalpaqstan Respublikası Ministrler Keńesi, wálayatlar hám Tashkent qala hákimlikleri hám basqa shólkemler óz iskerligi qásiyetlerin esapqa alǵan halda ádep-ikramliliq qaǵıydaları tiykarında oraylıq apparat, aymaqlıq hám strukturalıq bólindiler xızmetkerleri ushın májburiy bolǵan xızmetkerlerdiń mekemelik ádep-ikramliliq qaǵıydaların islep shıǵadı.
Bul qarar menen tastıyıqlanǵan Mámleket puqaralıq xizmetkerleri ádep-oxloqining úlgili qaǵıydalarında mámleket hizmatchisi hár qanday nızambuzilishiga, ásirese, korrupciya jaǵdaylarına qarsı mawasasızlıq menen gúresiwge májbúrligi belgilengen.
Ózbekstan Respublikası nızamshiliǵi mámleket puqaralıq xizmetshisin óz xızmet wazıypaların orınlawda mápler soqliǵisiwi hám korrupcion jaǵdaylar haqqında xabar beriwge májbúrlewden basqa, onı xoshametlewdi de názerde tutatuǵın huqıqıy mexanizmleri de jaratılǵan. Buǵan mısal, Ózbekstan Respublikası Ministrler Kabinetiniń “Korrupciyaǵa tiyisli huqıqbuzarliq haqqında xabar bergen yamasa korrupciyaǵa qarsı gúresiwge basqa usilda járdemlesken shaxslardı xoshametlew tártibi haqqindaǵı Rejeni tastıyıqlaw haqqında”ǵi 31. 12. 2020 jıldaǵı 829-san qarari.
Qarar menen tastıyıqlanǵan Rejege muwapıq «Korrupciyaǵa qarsı gúresiw haqqinda»ǵi Ózbekstan Respublikası Nızamına muwapıq korrupciyaǵa tiyisli huqıqbuzarliq haqqında xabar bergen yamasa korrupciyaǵa qarsı gúresiwge basqa usilda járdemlesken shaxslardı xoshametlew tártibi belgilengen.
Qaǵıydanıń 8-bandinde mámleket organınıń, mámleket qatnasıwındaǵı shólkemniń yamasa puqaralardiń ózin ózi basqarıw organınıń xizmetshisi ózine qarata para beriwdi usınıs etken yamasa para talap etken shaxs haqqında yamasa ózine málim bolǵan korrupciyaǵa tiyisli huqıqbuzarliq haqqında korrupciyaǵa qarsı gúresiwshi organlarǵa (korrupciyaǵa qarsı gúresiwshi organlardıń xızmetkerleri bolsa tikkeley óz basshısına) bergen xabarı tiykarında huqıqbuzarliqtiń ashiliwi bir mártelik pul sıylıǵi menen xoshametleniwi bekitilgen.
Korrupciyaǵa qarsı gúresiwde xalıqtıń barlıq qatlamları, eń jaqsı qánigeler tartilmas eken, jámiyetimizdiń barlıq aǵzaları, kerek bolsa, “hadallıq vakcinasi” menen emlenmas eken, óz aldımızǵa qoyǵan joqarı maqsetlerge erise almaymız.
Xójeyli rayonı ádillik bólimi baslıǵı A. Shabatov