Янгиликлар
14
Avtotransport qurallarín basqaríw huqíqín beriwshi isenim xatín elektron túrde rásmiylestiriw boyínsha mámleketlik xízmetlerdi kórsetiwdiń hákimshilik reglamenti tastíyíqlandí
Avtotransport qurallarín basqaríw huqíqín beriwshi isenim xatín elektron túrde rásmiylestiriw boyínsha mámleketlik xízmetlerdi kórsetiwdiń hákimshilik reglamenti tastíyíqlandí
Avtotransport qurallarín basqaríw huqíqín beriwshi isenim xatín elektron túrde rásmiylestiriw ushın arza beriwshi Birden-bir interaktiv mámleketlik xızmetler portalınan dizimnen ótedi hámde Reglament penen tastıyıqlanǵan sorawnamanı elektron túrde ǵárezsiz toltıradı.
Isenim xatı “Notarius” AAT arqalı dizimge alınadı.
Bunda isenim xatqa kirgiziletuǵın shaxslar sanına sheklew qoyılmaydı.
Sorawnamaǵa kiritilgen maǵlıwmatlardıń haqıyqıylıǵı wákillikli organlardıń xabar sistemaları járdeminde avtomatik túrde tekseriledi hám jiberiledi.
Arza beriwshi sorawnama tuwrı toltirilǵanlıǵın tekseredi hám maǵlıwmatlar tuwrılıǵına isenim payda etkennen keyin onı tastıyıqlaydı.
Sorawnama maǵlıwmatlarında arza beriwshi yamasa isenim xatqa kiritilgen shaxs(lar) maǵlıwmatları wákillikli organlardıń xabar sistemaları járdeminde anıqlanbaǵanda, bul haqqında arza beriwshi elektron formada eskertiledi.
Isenim xattı rásmiylestiriwden tómendegi jaǵdaylarda bas tartıladı:
sorawnamaǵa Reglamenttıń 8-bantinde názerde tutılǵan talaplarǵa tuwrı kelmeytuǵın maǵlıwmatlar kiritilgende;
arza beriwshi hám isenim xatı berilip atırǵan shaxs bir shaxs bolǵanda;
sorawnamaǵa kiritilgen maǵlıwmatlar olardı usınıwǵa wákillikli organlardıń xabar sistemaları arqalı avtomat túrde tekserilip, tastıyıqlanbaǵanda.
Sorawnamaǵa kiritilgen maǵlıwmatlardıń tuwrılıǵı wákillikli organlardıń xabar sistemaları jardeminde tastıyıqlanǵanda, arza beriwshige elektron tólem (invoys) qáliplestiredi.
Isenim xatın elektron formada rásmiylestiriw ushın mámleketlik bajı onıń ámel etıw múddetinen kelip shıqqan halda, Ózbekstan Respublikasınıń “Mámleketlik bajı haqqında”gı Nızamında isenim xatın notarial tastıyıqlaw ushın belgilengen mámleketlik bajıǵa salıstırǵanda tómendegi procentlerde óndiriledi:
bir ayǵa shekem bolǵan múddetke — BEMnıń 10 procent;
bir aydan artıq hám altı ayǵa shekem bolǵan múddetke — BEMnıń 50 procent;
altı aydan artıq hám úsh jılǵa shekem bolǵan múddetke — BEMnıń 100 procent.
Mámleketlik bajı isenim xatı rásmiylestirilwinen aldın tolenedi.
Arza beriwshiniń ayıbı menen isenim xatı nadurıs rásmiylestirilgende yamasa oǵan kiritilgen shaxs (lar) haqqında maǵlıwmatlarda qátelik bolıp, isenim xatı elektron rásmiylestirilgen jaǵdaylarda, tólengen mámleketlik bajı qaytarılmaydı.
Mámleketlik bajı tólemi ámelge asırılǵanlıǵı xabar sistemaları arqalı tastıyıqlanadı.
I hám II gruppa mayıplıǵı bolǵan shaxslarǵa mámleketlik bajını tólewde 50 procent muǵdarında shegirme qollanıladı.
Sorawnama arza beriwshi tárepinen tastıyıqlanıp, mámleketlik bajı tolıq tolengeninen keyin avtomat túrde dizimge alıw ushın “Notarius” AATga jiberiledi.
Sorawnamaǵa kiritilgen maǵlıwmatlar “Notarius” AATda dizimge alınadı hám tastıyıqlanǵan forma boyınsha real waqıt rejiminde QR-kod (matrik shtrixlı kod) qoyılǵan isenim xatı qáliplestiriledi.
Isenim xatlarǵa izbe-izlilikte tártip nomeri beriledi.
QR-kod (matrik shtrixlı kod) qoyılǵan isenim xatı real waqıt rejiminde arza beriwshiniń Birden-bir mámleketlik xızmetler portalındaǵı jeke kabinetine hám ol haqqındaǵı maǵlıwmatlar “Notarius” AAT arqalı Ishki isler ministrliginiń “Birden-bir avtomatlastırılǵan xabar sisteması”na elektron formada jiberiledi.
“Notarius” AATda dizimge alınǵan (qáliplesken) isenim xatı isenim xatı berilip atırǵan shaxs(lar)dıń Birden-bir interaktiv mámleketlik xızmetler portalındaǵı jeke kabinetine (eger ámeldegi bolsa) jiberiliwi múmkin.
Elektron formada QR-kod (matrik shtrixlı kod) qoyılǵan halda rásmiylestirilgen isenim xatı notarial tastıyıqlanǵan isenim xatı menen birdey yuridikalıq kúshke iye esaplanadı.
Berilgen isenim xatlar haqqındaǵı maǵlıwmat “Notarius” AATda olardıń túri boyınsha bólek júritiletuǵın reestrǵa avtomat túrde kiritiledi hám reestr qáliplestirilip barıladı.
Isenim xatınıń ámel etiw múddeti uzaytırılmaydı hám múddeti pitkennen keyin arza beriwshiniń qálewine kóre tazadan rásmiylestiriliwi múmkin.
P.Reimkulov
Taxtakópir rayonı
ádillik bólimi Mámleketlik
xızmetler orayı direktorı.