Янгиликлар
14
Korrupciyaǵa qarsí ǵúresiw dáwir talabı
Korrupciyaǵa qarsí ǵúresiw dáwir talabı
Búgingi kúnde milliy hám xalıqaralıq huqıqta kóp qollanılıp atırǵan atamalardan biri bul KORRUPCIYA bolıp, bul illetke qarsı jáhande keń kólemde gúres alıp barılmaqta. Mámleketimizde hám korrupciya illetine qarsı gúresiwge mámleketlik ahmiyetke iye másele sıpatında ayrıqsha itibar qaratıp kelinbekte.
Eń áwele korrupciya sóziniń kelip shıǵıwına itibar qaratatuǵın bolsaq, korrupciya sózi latın tilinen (corruptio) alınǵan bolıp «aynıw, paraǵa satılıw» degen mánisti bildiredi.
KORRUPCIYA - bul jámiyetti túrli jollar menen qısqıǵa alıwshı qorqınıshlı illet, ol demokratiya hám nızam ústinligi tiykarların ıdıratıp jiberedi, insan huqıqları buzılıwına alıp keledi, bazarlar iskerligine tosqıńlıq etedi, insan ómiriniń sapası jamanlasıwına hám adamlar qáwipsizligine qáwip salatuǵın shólkemlesken jınayatshılıq, terrorizm hám basqa hádiyselerdiń payda bolıp, rawajlanıwı ushın sharayat jaratıp beretuǵın nızamsız háreketler bolıp esaplanadı.
Elimizde korrupciya qarsı gúresiwdi jánede jedellestiriw maqsetinde 2017-jıl 3-yanvar kúni «Korrupciyaǵa qarsı gúres haqqında»ǵı Ózbekstan Respublikasınıń Nızamı qabıl etildi.
Usı Nızam talaplarına muwapıq, korrupciyaǵa qarsı gúresiw iskerligin jánede jedellestiriw maqsetinde bir qatar mámleketlik uyım hám shólkemler korrupciyaǵa qarsı gúresiwdi ámelge asırıwshı uyım sıpatında belgilenip, bul uyımlarǵa ayrıqsha wazıypa belgilep berildi.
Nızamǵa kóre;
1. Ózbekstan Respublikası Korrupciyaǵa qarsı gúresiw agentligi.
2. Ózbekstan Respublikası Bas prokuraturası
3. Ózbekstan Respublikası Mámleket qáwipsizlik xizmeti
4. Ózbekstan Respublikası Ishki isler ministirligi
5. Ózbekstan Respublikası Ádillik ministirligi
6. Ózbekstan Respublikası Bas prokuraturası janındaǵı ekonomikalıq jınayatlarǵa qarsı gúresiw departamenti.
Korrupciyaǵa qarsı gúresiw boyınsha iskerlikti nızamshılıqqa tiykar basqa mámleket orgınlar hám ámelge asıradı.
Sonday-aq, korrupciyaǵa qarsı gúres sistemasında axmiyetli bolǵan Korrupciyaǵa qarsı gúresiw agentligi Ózbekstan Respublikası Prezidentiniń “Ózbekstan Respublikasında korrupciyaǵa qarsı gúresiw sistemasın rawajlandırıw boyınsha qosımsha is-ilajlar haqqında”ǵı pármanına tiykar 2020-jıl 29-iyun kúni dúzildi. Agentlik korrupciyanıń aldın alıw hám oǵan qarsı gúresiw tarawında mámleket siyasatın жүритиў hám ámelge asırıwda arnawlı wákillikli mámleketlik organ esaplanadı.
Jámiyetimizde Korrupciyaǵa qarsı gúresiwdiń tiykarǵı 7 principi kórsetilgen:
1. Nızamlılıq
2. Puqaralar huqıqları, erkinlikleri hám nızamlı mápleriniń ústinligi;
3. Ashıq aydınlıq;
4. sistemalılıq;
5. mámleket hám puqaralıq jámiyetiniń birge islesiwi;
6. korrupciyanıń aldın alıwǵá baylanıslı is-ilájlar ústinligi;
7. juwapkershiliкtiń anıqlıǵı.
Ózbekstan Respublikası Birlesken milletler shólkeminiń 2003-jıl 31-oktyabr kúni qabıl etilgen Korrupsiyaǵa qarsı Konvensiyasına Ózbekstan Respublikasınıń 158-sanlı nızamına tiykar 2008-jıl 7-iyul kúni qosıldı hám Ózbekstan Respublikası ushın 2008-jıl 28-avgust kúni kúshke kirdi.
Kegeyli rayonı yuridikalıq
xızmet kórsetiw orayı
bas yuristkonsulti I.Aleuatdinov