Янгиликлар
08
Konstituciya-párawan turmís tiykarı
Konstituciya-párawan turmís tiykarı
Konstituciya – mámleketti mámleket, milletti millet etetuǵın tiykarǵı hújjet esaplanadı.
Basqasha aytqanda, jámiyet súyenshi hám mámleketimiz rawajlanıwınıń huqıqıy kepili, mámleketimiz mustaqıllıǵınıń belgisi, kóp milletli xalqımız arzıw-niyetinıń nızamlı kórnisi.
Konistituciya xalqımızdıń mustaqıllıqqa uzaq jol hám izleniwler nátiyjesi ekenligine isenim payda etemiz. Sol sebepten, ótken dáwir ishinde mámleketimizdegi reforma hám ózgerislerdiń hámmesi Konstituciya tiykarında ámelge asırılmaqta.
“Xalıq mámleket hákimiyatınıń birden-bir deregi” degen konstituciyalıq norma tiykarında mámleketimizde xalıq mámleket organlarına emes, mámleken organları xalıqqa xizmet etetuǵın, Konstituciya hám nızam joqarı bolǵan unamlı hám turaqlı sistema qáliplespekte.
Insan mápleri joqarı bolǵan mámlekette rawajlanıw boladı, bunday mámleket puqarası hár tárepleme barkamal bolıp, watan ushın. Eń ahmiyetlisi insan huqıqları táminlengen jámiyette báseki ortalıǵı payda boladı, unamlı ózgerisler hám jańalanıwlar tezlesedi.
Konstituciyamızdıń 13-statyasında Ózbekstan Respublikası demokratiya ulıwma insaniylıq prinsiplerge tiykarlanıwı, olarǵa kóre insan, onıń ómiri, erkinligi, ar-namısı hám basqada qolqatılmas huqıqları ullı qádiryat esaplanadı, demokratiyalıq huqıq hám erkinlikler Konstituciya hám nızamlar menen qorǵalıwı belgilep qoyılǵan.
Mámleketimizde insan huqıq hám erkinliklerin táminlew, xalıqtıń tınısh tatıwlıǵın asırıwǵa qaratılǵan ámeliy isler jáhan jámiyetshiligi tárepinen qollap quwatlanbaqta. Máselen 2020-jıl sentyabr ayındaǵı BMSH Bas Assambleyasınıń 75-statyasında Ózbekstan Respublikası tárepinen ilgeri qoyılǵan bir qansha baslamalar, anıq ámeliy usınıslar xalıqaralıq kólemde keń qollap quwatlandı.
Mámleketimizde tınısh-tatıwlıq, milletlerara tınıshlıq hám dinlerara bawırkeńlikti bekkemlew eń tiykarǵı másele esaplanadı. “Nizam ústinligi, jınayatqa jaza anıqlıǵı” haqqındaǵı konstituciyalıq principin táminlew, Sebebi nızam ústin bolmaǵan jerde ádillik hám bolmawı anıq. Ádillik ústin bolǵan jerde tınısh-tatıwlıq boladı, xalqımızdıń arzıw-niyetleri ámelge asadı.
Juwmaq etip aytsaq, hár bir mámleket erkin hám tınısh-tatıw jámiyet qurıw, bul joldaǵı iygilikli maqset hám waziypalardı Konstituciyada bekkemlew, Mámleketimizdıń óz aldına qoyǵan úlken máqset hám waziypalar, xalıqara kólemde qabıl etilgen insan huqıqları, nızam ústinligi hámde demokratiya principleri óz sáwlesin tapqan.
Kegeyli rayonı yuridikalıq
xızmet kórsetiw orayı
bas yuristkonsulti I.Aleuatdinov