Янгиликлар
12
Maǵlıwmatnamalar beriw boyınsha mámleketlik xızmetler kórsetiwdiń birden-bir hákimshilik reglamenti tastıyıqlandı
Maǵlıwmatnamalar beriw boyınsha mámleketlik xızmetler kórsetiwdiń birden-bir hákimshilik reglamenti tastıyıqlandı.
Ózbekstan Respublikası Ministrler Kabineti “Mámleketlik xızmetler kórsetiwdi tártipke salıwshı normativ-huqıqıy hújjetlerdi sistemalastırıw ilajları haqqında” qarar qabılladı.
Qarar menen fizikalıq hám yuridikalıq shaxslarǵa maǵlıwmatnamalar beriw boyınsha mámleketlik xızmetler kórsetiwdiń birden-bir hákimshilik reglamenti tastıyıqlandı.
Reglamentte fizikalıq hám yuridikalıq shaxslarǵa maǵlıwmatnamalar beriw boyınsha arzalardı qabıllaw hám kórip shıǵıw tártibi;
mámleketlik xızmetlerdi kórsetiwde óndiriletuǵın tólemler bólistiriliwi;
maǵlıwmatnamalar beriw boyınsha kórsetiletuǵın mámleketlik xızmetlerdiń pasportları belgilep berilgen.
Hákimshilik reglamentke muwapıq, kórsetiletuǵın mámleketlik xızmetlerden paydalanıw ushın fizikalıq hám yuridikalıq shaxslar Mámleket xızmetler orayları yamasa Ózbekstan Respublikası Birden-bir ınteraktiv mámleketlik xızmetler portalı arqalı múrájat etiwleri múmkin.
Mámleketlik xızmetler kórsetiw ushın zárúr hújjetlerdiń úlgi formaları hám blankları tastıyıqlanadı, sonıń menen birge, Birden-bir interaktiv mámlekeketlik xızmetler portalında mámleketlik xızmetler kórsetiliwiniń hár bir basqıshında múrájatlar kórip shıǵılıwın baqlap barıw tártibi engiziledi.
Ádillik ministrligi wákillikli organlar tárepinen mámleketlik xızmetler kórsetiliwiniń belgilengen tártipte orınlanıwı boyınsha olar iskerligi, sonday-aq, Birden-bir interaktiv mámlekeketlik xızmetler portalı arqalı turaqlı qadaǵalaw ornatadı.
Hákimshilik reglament talapların buzǵanlıq ushın wákillikli organlar lawazımlı shaxslarına belgilengen tártipte hákimshilik jaza sharaları qollanıladı.
Usı qarar, mámleketlik xızmetler tarawındaǵı nızamshılıq hújjetlerin sistemalastırıw hám bul tarawdaǵı normativ-huqıqıy hújjetler sanın azaytıw arqalı xalıq hám isbilermenlik subektlerine kórsetiletuǵın mámleketlik xızmetler sapasın asırıwǵa xızmet etedi.
Nókis qalası Ádillik bólimi
Mámleketlik xızmetler orayı
bólim baslıǵı B.Nurlıbekov