Янгиликлар
12
Puqaralardıń huqıqları tiklenbekte........
Puqaralardıń huqıqları tiklenbekte........
Ózbekstan Respublikasınıń Konstitutsiyası insan huqıqlarınıń qorǵawshı sanalıp, onın barlıq, atap aytqanda sociallıq huqıqlarınıń kepillikleri esaplanadı.
Konsitutsiyamızdıń 46-statyasında “hárkim qartayǵanda, miynet qabiletin joǵaltqanda, jumıssızlıqta, sonday-aq baǵıwshısın joǵaltqanda hám nızamda belgilengen basqa jaǵdaylarda sociallıq támiynat alıw huqıqına iye” dep kórsetilgen.
Biraq soǵan qaramastan ayrım hallarda pensiya jasındaǵı puqaralardıń pensiyaǵa shıǵıw waqtında islegen is stajı esapqa alınbay, olarǵa mámleket tárepinen beriletuǵın pensiya muǵdarları az esaplanıp, olardın huqıqları buzılıp atırǵan jaǵdaylarıda ushırasıp atır.
Shomanay rayonı jasawshı puqara G.X hám M.I lar SHomanay rayonı ádillik bólimine házirgi kúnde pensiya jasında ekenligi, pensiya esaplawda ayırım is stajı jılları esapqa alınbay qalǵanlıǵınan narazı bolıp múrájaat etti.
Múrájaatti úyreniw dawamında G.Xudaybergenovanıń 8-jıl 9-ay 3-kún is stajı, M.Ibragimovtın bolsa 3-jıl 1-ay 16-kún is stajı asapqa alınbaǵanlıǵı anıqlandi hám bul boyınsha Nókis rayonlar aralıq hákimshilik sudına dawa arza kiritildi.
Usı jıldiń 28-noyabr kúni mámleketlik xızmetler Orayı imáratında Nokis rayonlar aralıq hákimshilik sudı sudayası G.Baynazarova basshılıǵında kóshpeli sud májlisi bólip ótti. Sud majlisi dawamında G.Xudaybergenova hám M.Ibragimovlardiń esapqa alınbaǵan is stajlari qayta esaplaw boyınsha sud qararı qabıl etilip, puqaralardıń huqıqları tiklendi.
Shomanay rayonı ádillik bólimi insan huqıqların
qorǵaw hám huqıqtı qollaw ámelyatın
úyreniw bólimshesi bas maslahatshisi R.Kómekbaev