Янгиликлар
04
Korrupciyaǵa qarsí gúresiw – mámleket hám jámiyettiń jańalaníwínda sheshiwshi faktor
Korrupciyaǵa qarsí gúresiw – mámleket hám jámiyettiń jańalaníwínda sheshiwshi faktor
Korrupciyaǵa qarsı gúresiw Ózbekstanda mámleket siyasatınıń eń tiykarǵı baǵdarına aylanıp úlgerdi. Bunı sońǵı jılllarda tarawǵa baylanıslı qabıl etilgen konceptual áhmiyetke iye normativ-huqıqıy hújjetler, korrupciyanıń aldın alıwǵa qaratılgan hákimshilik reformalar mısalında da kóriw múmkin.
Usı jıl 27-noyabrь kúni Prezidentimizdiń “Korrupciyaǵa qarsı gúresiw sistemasın jáne de jetilistiriw hám mámleketlik uyımlar hám shólkemlerdiń jumısı ústinen qadaǵalaw sistemasınıń nátiyjeliligin arttırıw ilajları haqqında”ǵı Pármanı qabıl etildi.
«Ózbekstan – 2030» strategiyasında belgilengen wazıypalardı ámelge asırıw maqsetinde Korrupciyaǵa qarsı gúresiw agentligi hár sherekte mámleketlik uyımlar hám shólkemler kesiminde júz bergen korrupciyaǵa baylanıslı jınayatlardı talqılaydı.
Bul jınayatlar kórsetkishi artqan mámleketlik uyımlar hám shólkemlerge keshiktirip bolmaytuǵın is-ilajlardı belgilew ushın Agentlik kórip shıǵılıwı májbúriy bolǵan usınısnama kirgizip baradı.
Hújjet penen Korrupciyaǵa qarsı gúresiw boyınsha 2023-2024-jıllarǵa mólsherlengen qarsı mámleketlik baǵdarlama tastıyıqlandı.
2023-jıl 1-dekabrden baslap Ashıq maǵlıwmatlar sıpatında jaylastırılıwı kerek bolǵan sociallıq áhmiyetke iye maǵlıwmatlar dizimi tómendegi maǵlıwmatlar menen tolıqtırıladı:
-aymaqlar kesiminde «Haj» saparına barıw ushın gezekte turǵan zıyaratshılardıń birden-bir onlayn náwbeti haqqındaǵı (zıyaratqa barıwshı shaxstıń arzası náwbetke qoyılǵan sáne hám dizimdegi tártip sanı) maǵlıwmatlar;
-balalardı mámleketlik mektepke shekemgi bilimlendiriw shólkemlerine qabıl etiw ushın berilgen arzalar náwbeti (dizimi) haqqındaǵı (arza gezekke qoyılǵan sáne, dizimdegi tártip sanı, jas toparı hám shólkem nomeri) maǵlıwmatlar;
-mámleketlik uyımlar hám shólkemlerde mámleketlik satıp alıwlardı ámelge asırıw tártip-qaǵıydaların belgilewshi satıp alıw komissiyasınıń ishki vedomstvolıq tártibi (reje, reglament, instrukciya yaki basqa ishki vedomstvolıq hújjet);
-oraylıq hám aymaqlıq shólkemlerde bos jumıs orınları, jumısqa qabıl etiw shártleri, talabanlarǵa qoyılatuǵın talaplar hám beriliwi lazım bolǵan hújjetler haqındaǵı maǵlıwmatlar;
-mámleketlik uyımlar hám shólkemler tárepinen mámleketlik emes kommerciyalıq emes shólkemlerge berilgen grant hám sociallıq buyırtpa joybarları haqqındaǵı maǵlıwmatlar, sonıń ishinde, jeńimpaz bolǵan mámleketlik emes kommerciyalıq emes shólkemler hám olardıń buyırtpa sheńberinde orınlaǵan jumısları boyınsha esabatları haqqındaǵı maǵlıwmatlar.
Tómendegiler Internet arqalı janlı эfirge uzatıladı:
filosofiya doktorı (PhD) hám ilim doktorı (DSc) ilimiy dárejesin alıw ushın Ilimiy keńes tárepinen ótkeriletuǵın dissertaciyanı qorǵaw (jabıq ilimiy jumıslar buǵan kirmeydi);
orta arnawlı hám kásiplik bilimlendiriw mákemeleriniń, (sonıń ishinde, «Temurbeklar mektepleri» áskeriy-akademiyalıq liceyleriniń) test sınaqları hám de Prezident, dóretiwshilik hám qánigelestirilgen mekteplerge kiriw imtixanları;
joqarı bilimlendiriw mákemeleri bazasındaǵı áskeriy tálim fakulьtetlerine (áskeriy kafedra) qabıl etiwdegi tańlawlardıń tómendegi basqıshları:
–ulıwma fizikalıq tayarlıqtı bahalaw;
–shaqırıqqa shekem baslanǵısh tayarlıq dástúri boyınsha bilim dárejesin bahalaw.
Sonday-aq, Korrupciyaǵa qarsı gúresiw agentligine «Qayta baylanıstıń sırlı klienti» ilajların shólkemlestiriw hám ótkeriw wazıypası júklendi. Olar mámleketlik uyımlar hám shólkemlerdegi sall-oray isenim telefonlarınıń hám olardıń rásmiy veb-saytlarında járiyalanǵan telefon nomerleriniń turaqlı túrde jumısshı jaǵdaydalıǵı, maǵlıwmatlar almasıwdıń nátiyjeliligi qayta baylanıstıń bar ekenligin tekseriw maqsetinde ótkeriledi.
Aybek ORAZÍMBETOV,
Taqıyatas rayonı Ádillik bólimi Mámleketlik xızmetler orayınıń bólim baslıǵı.