Янгиликлар
28
Ózin ózi bánt etken halda nızamlı islewdiń múmkinshilikleri
Ózin ózi bánt etken halda nızamlı islewdiń múmkinshilikleri
Ózin ózi bánt etken shaxslar — óz jumısın ózi tawıp, onı ózi orınlaw arqalı dáramat kóretuǵın fizikalıq shaxslar bolıp tabıladı.
Ózin ózi bánt etken shaxslar tárepinen ámelge asırilatuǵın 100-den aslam iskerlik túrleri dizimi Ózbekstan Respublikası Prezidentiniń 2020 jıl 8 iyun daǵı PQ-4742-san sheshimi menen tastıyıqlanǵan. Ózin ózi bánt etken shaxs bir waqtıniń ózinde bir neshe iskerlik túrleri tańlawı hám ámelge asırıwı múmkin.
Ózin ózi bánt etken shaxs retinde dizimnen ótkenligi tuwrısındaǵı málimleme alıw biypul ámelge asıriladı.
Ózin ózi bánt etken shaxslar iskerligi Ministrler Mákemesiniń 2020 jıl 23 dekabr degi 806 -san sheshimi menen tastıyıqlanǵan «Ózin ózi bánt etken shaxs retinde iskerlikti ámelge asırıw tártibi tuwrısında”gi qaǵıyda tiykarında dizimnen ótkeriledi.
Ózin ózi bánt etken shaxslardı dizimge alıw xabar beriw tártibinde ózin ózi bánt etken retinde dizimnen ótkenlikti tastıyıqlaytuǵın matritsali shtrix kod (QR-kod ) maǵlıwmatnama bergen halda arnawlı mobil' qosımsha yamasa salıq tólewshiniń jeke kabineti arqalı yamasa mámleket salıq xızmeti organına barǵan halda ámelge asıriladı.
Salıq kodeksine muwapıq, ózin ózi bánt etken adamlardıń miynet iskerligi nátiyjesinde alınǵan dáramatları fizikalıq shaxslar jámi dáramatları quramına kiritilmeydi.
Ózin ózi bánt etken shaxslar miynet stajı esaplanıwı ushın hár jılı iqtyariy túrde bazalıq esaplaw muǵdarınıń bir esesinen kem bolmaǵan muǵdarda social salıq tóleydi.
Taqiyatas rayonı ádillik bólimi
Mámleketlik xızmetleri orayı bólimi baslıǵı Sh.Sariyev