Янгиликлар
18
Bayraǵimiz maqtanıshımız
Bayraǵimiz maqtanıshımız
Jaqın kúnlerde mámleketimiz suverenitetiniń nishanlarınan biri - ǵárezsiz Ózbekstan Respublikasınıń “Mámleket bayraǵina tuwrısında”gi nızamı qabıl etilgenligine 32 jıl toladı. Ózbekstan Respublikası Joqarı Kengashining 1991 jıl 18 noyabrdegi náwbetten tısqarı VII sessiyasında tastıyıqlanǵan Mámleket bayraǵi - elimizdiń mámleketlik suverenitetiniń nishani bolip esaplanıp, ol jer júziniń sol shegaralarında ǵárezsiz Ózbekstan mámleketi bar ekenin ańlatadı hám ózinde milliy-madeniy úrip-ádetlerimizdi sáwlelendiredi.
Ózbekstan Respublikasınıń Mámleketlik bayraǵi xalıq aralıq maydanda, atap aytqanda, Ózbekstan Respublikası rásmiy delegatsiyalarining shet el mámleketlerge bolǵan saparları waqtinda, xalıq aralıq shólkemlerde, konferenciyalarda, jáhán kórgizbelerinde, sport jarıslarında Ózbekstan Respublikasınıń tımsalı boladı.
Bayraǵimız ózinde pútkil Ózbekstan xalqiniń ásirlik árman -tilekleri, ǵayrat hám mártligin, xalqımızǵa tán mıymandosliqti jámlegen. Milliy bayraǵimizdiń mámleketlik keńse hám mákemeleri, oqıw orınları, Ózbekstan aǵza bolǵan xalıq aralıq shólkemler, sırt ellerdegi elshixana hám turaqlı wákilxanalarimizdiń imarat tóbesinde jelpirep turıwı, túrli bayram hám máresimlerde, mámleketimiz wákilleri bolip qatnasıp atırǵan xalıq aralıq kólemdegi siyasiy, mádeniy-aǵartıwshılıq ilajlarda, abıraylı sport jarıslarında Watanımızdıń ataq-abirayi, xalqımızdıń maqtanishin sáwlelendiriwi bárshemizge maqtanısh inám etedi. Mısalı, xalıq aralıq sport jarislarinda utqan sportshılarımız húrmetine jurtımız bayraǵi bálentke kóterilgen waqitta hár birewimiz sheksiz tınıshsızlanıwǵa túsemiz, hesh kimnen kem emesligimizdi sezemiz.
Mámleket nishanları hár bir mámlekettiń ǵárezsizligin ańlatiwshı káramatli belgi bolıp tabıladı. Respublikamızdiń mámleketlik nishanları xalqımızdıń húrmet-izzeti, tariyxıy yadı hám intiliwlerin ózinde sáwlelendirip, tınısh, erkin turmısımızdıń, jarıq keleshegimizge bolǵan isenimimizdiń belgisi bolıp tabıladı.
Respublikamızdiń mámleketlik bayraǵindaǵı nishanlar Ózbekstan shegaraında áyyemde bar bolǵan mámleketler menen tarixiy baylanıslılıqtı hám de jurtımız aymaǵında jasawshı millet hám xaliqlardiń úrip-ádetlerin ózinde sáwlelendirgen.
Bayraqtaǵı aspan kók reń - onıń astında barlıq milletler hár qıylı qawip-qáterlerden awlaq, erkin jaǵdayda tatıw-dos jasap kiyatırǵan ashiq aspanımız hám de ómir nishani bolıp tabıladı. Bayraqtaǵı aq reń - mámleketimiz puqaralarina óz-ara awızbirshilikte, bir-birin húrmet etip, diniy tolerantlıq principlerı tiykarında tınısh-tatiw jasap atırǵannıń tımsalı. Jasıl reń bolsa tábiyattıń jańalanıwı hám de jurtımızdań beyish orin ekenliginiń nishani bolıp tabıladı. Bul reń kóplegen xalıqlarda úmit hám shadliq tımsalı bolip esaplanadı.
Qızıl sızıqlar mámleketimiz molshiliǵı, jámiyettiń rawajlanıwı jolında óz-ara awızbirshilik menen sharshamay miynet etip atırǵan jurt perzentleriniń gewdesinde aǵip atirǵan ómir qudıretiniń aǵimlari bolıp tabıladı.
Mámleket nishanları bárháma káramatli hám ullı esaplanadi, óytkeni ol xalıqtıń ótken zamanı, búgini hám keleshegin ózinde jámlegen Watanimizdıń jaqtı tımsalı bolıp tabıladı.
Bozataw rayon ádillik
Bólimi baslıǵı N.Tayrov