Янгиликлар
20
“Járiyma maydanshası” málimleme sisteması islep shıǵıladı
“Járiyma maydanshası” málimleme sisteması islep shıǵıladı
Húkimet qararı (358-san, 11.08.2023-j.) menene ayırım normativ huqıqıy hújjetlerge ózgeris hám qosımshalar kirgizildi.
Soǵan kóre, 2024-jıl 1-yanvardan:
nızam hújjetleri buzılǵanlıǵı ushın wákillikli mámleketlik uyımları tárepinen uslanǵan transport quralların saqlaw xızmetlerin kórsetiwshi yuridikalıq shaxslar Jámiyetlik qáwipsizligi departamenti Jol háreketi qáwipsizligi xızmetiniń Birden-bir avtomatlastırılǵan málimleme sisteması arqalı ashıq tańlaw tiykarında tańlap alınadı;
uslanǵan transportlardı toqtaw orınlarına alıp keliw, jaylastırıw, saqlaw, esabın júrgiziw hám alıp shıǵıp ketiwge ruxsat beriw “Járiyma maydanshası” málimleme sisteması arqalı ámelge asırıladı;
transportlardı toqtaw orınlarına alıp keliw (tasıw) hámde saqlaw boyınsha kórsetiletuǵın xızmetler ushın tólemlerdiń sheklengen muǵdarları orınlardaǵı hákimlikler tárepinen belgilenedi.
“Járiyma maydanshası” málimleme sisteması arqalı, atap aytqanda:
uslanǵan, toqtaw orınlarına jaylastırılǵan hám alıp shıǵıwǵa ruxsat berilgen transportlar dizimi júritiledi;
transportlardı toqtaw orınlarınan alıp shıǵıw ushın barlıq tólemler (járiyma maydanshası hám huqıqbuzarlıq ushın járiymalar) elektron ámelge asırıladı.
Usı málimleme sisteması 2023-jıl 1-noyabrge shekem islep shıǵıladı.
Sonday-aq, 2023-jıl 1-dekabrge shekem JHQXniń birden-bir málimleme sisteması uslanǵan transportlardı saqlaw xızmetlerin kórsetiwshi yuridikalıq shaxslardı ashıq tańlaw tiykarında elektron tańlap alıw múmkinshiligin jaratıw maqsetinde jetilistiriledi.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova