Янгиликлар
20
Balıqshılıq joybarların ámelge asırıw ushın girewsiz kredit beriledi
Balıqshılıq joybarların ámelge asırıw ushın girewsiz kredit beriledi
Ózbekstan Respublikası Prezidentiniń 2023-jılı 18-avgust kúni “Balıqshılıq xojalıqları mútájlikleri ushın suw háwizlerinen paydalanıw tártibin jetilistiriw hám de balıq awlaw hám suw boyı turizmi mákanların rawajlandırıw ilajları haqqında”ǵı qararı qabıl etildi.
Qararǵa kóre, 2023-jıl 1-oktyabrden tómendegiler isbilermenlerge
“E-auksion” elektron sawda platformasında elektron onlayn aukcion arqalı ijaraǵa beriledi:
mámleketke tiyisli tábiyiy hám jasalma suw háwizleri (suw saqlaǵıshları) - balıqti sanaat usılında jetistiriw, awlaw hám nızamshılıq hújjetlerinde názerde tutılǵan basqa maqsetler ushın;
tábiyiy hám jasalma suw háwizleri (suw saqlaǵıshları) hámde dárya átirapındaǵı awıl xojalıǵına mólsherlenbegen jer uchastkaları - suw boyında plyaj zonaların shólkemlestiriw, sport-ıshqıbazlıq túrindegi balıq awlaw, balıq awı, qayiqta júziw hám suw sayaxatı boyınsha xızmetler kórsetiw, balıq ónimleri, sonday-aq balıq taǵamları sawdası, ulıwma awqatlanıw hám basqa turizm xızmetlerin shólkemlestiriw hámde usı maqsetlerde jeńil konstrukciyalı qurılmalardı (otaw lagerleri kompleksi, konteynerlerdi) jaylastırıw ushın.
Qararǵa kóre, 2024-jılda respublikada:
900 mıń tonna balıq jetistiriw;
35 240 gektar jasalma suw háwizlerin intensivlestirip, 513 600 tonna balıq jetistiriw;
9 000 xojalıqta intensiv usılda balıq jetistiriwdi jolǵa qoyıw názerde tutılǵan.
2024-jıl 1-yanvardan “Hár bir shańaraq - isbilermen” dástúri sheńberinde xalıq hám isbilermenlerge balıqshılıq joybarların ámelge asırıw ushın 50 million sumǵa shekem girewsiz kredit ajıratıladı.
Xojeli ádillik bóliminiń
yuridikalıq xızmet kórsetiw
orayı bas yuriskonsultı G.Faxratdinova