Янгиликлар
18
Ózbekstan Respublikası Mámleketlik bayraǵı haqqında maǵlıwmatqa iyesizbe?
Ózbekstan Respublikası Mámleketlik bayraǵı haqqında maǵlıwmatqa iyesizbe?
Mámleketlik bayraq Ózbekstan Respublikasınıń 1991-jıl 18-noyabrdegi 407-sanlı “Ózbekstan Respublikasınıń Mámleketlik bayraǵı haqqında”ǵı Nızamı menen tastıyıqlanǵan. Bul Nızam 13 statyadan ibarat bolıp usı Nızamǵa tiykar Ózbekstan Respublikası Mámleket bayraǵınıń sxematik hám reńli súwreti tastıyıqlandı.
Mámleketlik bayraǵımızdıń uzınlıǵı 250 santimetrge, keńligi 125 santimetrge teń. Kók reń, aq reń hám jasıl reńli enleriniń keńligi birdey. Hár biriniń eni 40 santimetrge teń. Ózbekstan Respublikası Mámleket bayraǵınıń ortası aq reńde, eniniń shetleriniń keńligi 2,5 santimetrge teń qızıl jıyekler ótkerilgen.
Mámleketlik bayraǵımızdıń joqarı bólegindegi kók reńli eniniń júz tárepi hám arqa tárepinde aq reńli jańa ay hám onıń janında on eki aq reńdegi bes qırlı juldız súwretlengen.
Mámleketimiz belgileri bárháma múqaddes hám ullı sanaladı. Mámleketlik bayraq — biziń ótmishimiz, búgingi kúnimiz hám keleshegimiz tımsalı esaplanadı. Bayraǵımız jer júzinde Ózbekstan mámleketi bar ekenligin ańlatadı hám ózinde milliy dástúrlerimizdi sáwlelendiredi.
Búgingi kúnge kelip bayraǵımız xalıqaralıq maydanlarda, atap aytqanda, Ózbekstan Respublikası rásmiy delegaciyalarınıń shet el mámleketlerine saparları waqtında, xalıqaralıq shólkemlerde, konferenciyalarda, jáhán kórgizbelerinde, sport jarıslarında ǵárezsiz watanımızdı ańlatadı.
Aydos Kaliyev
Qońırat rayonı ádillik bólimi
yuridikalıq xızmet kórsetiw
orayı baslıǵı