Янгиликлар
20
Akt jazıwlarına ózgeris, dúzetiw hám qosımsha kiritiw
Akt jazıwlarına ózgeris, dúzetiw hám qosımsha kiritiw
Akt jazıwlarına ózgeris kiritiw-akt jazıwlarına dúzetiw hám qosımshalar kiritiw túsinigine qaraǵanda bir qansha keń túrde túsinikke iye bolıp, ol akt jazıwlarına kiritiletuǵın hár qanday ózgerislerdi óz ishine aladı. Akt jazıwlarına dúzetiw kiritiw ol dúzilgen waqıttaǵı jol qoyılǵan qáteliklerdi, máselen, texnik, orfografik qátelikler bar bolǵan yamasa akt jazıwdaǵı maǵlıwmatlar awız eki kórsetpe tiykarında kiritilgen jaǵdaylarda dúzetiwdi talap qılǵan arzaǵa kóre ámelge asırıladı. Akt jazıwlarına qosımsha kiritiw degende akt jazıwǵa keyinshelik belgili tiykarlarǵa kóre qosımshalar kiritiliwi túsiniledi, máselen, shaxsı anıqlanbaǵan puqaranıń ólimi dizimge alınǵannan keyin marhumnıń shaxsı anıqlansa, qosımsha medisinalıq guwalıq yaki tergew organlarınıń juwmaǵına tiykar ólim haqqındaǵı akt jazıwına qosımshalar, sondayaq familiyasına «ev», «ov», «eva», «ova», atına «xan», «bay», «bek», «biyke», «gúl», «zada», «abdu», ákesiniń atın jazıwda «evna», «ovna», «evich», «evna», «ulı», «qızı», «zada» sıyaqlı qosımshalardı kiritiw yamasa alıp taslaw jolı menen ámelge asırıladı.
Akt jazıwlarına ózgeris, dúzetiw hám qosımsha kiritiw tómendegi jaǵdaylarda ámelge asırıladı:
- «Mámleketlik til haqqında»ǵı Ózbekstan Respublikası Nızamınıń 15-statyasına tiykar tarıyxiy hám milliy qádiriyatlarǵa ámel etiw maqsetinde familiyası, atı hám ákesiniń atın jazdırıw qálewi bolǵanda, atalıq belgilengende, perzentlikke alınǵanda, ata-ananıń kelisimine kóre yaki hákim qararına tiykar er jetpegen balanıń familiyası ózgertilgende, milleti ózgertilgende, nekede turmaǵan ana tárepinen balanıń atası haqqındaǵı maǵlıwmatlardı ózgertiw haqqındaǵı arza berilgende (bala 16 jasqa tolǵanga shekem), sud qararı menen atalıqtı belgilew haqıyqıy emes dep tabılǵanda, ata haqqındaǵı maǵlıwmatlar biykar etilgende yaki perzentlikke alıw biykar etilgende, ata-anasıńıń familiyası, atı hám ákesiniń atı ózgertilgen jaǵdayda er jetpegen balanıń familiyası hám ákesiniń atı ózgertilgende, akt jazıwlarda grammatikalıq qátelik hám anıqsızlıq bolǵanda, sondayaq tuwılǵan waqtı, jayı hám ákesiniń atı haqqındaǵı jazıwlar bolmaǵan jaǵdayda, 16 jasqa tolmaǵan balanıń atı hám familiyası ózgertilgende, eger atı hám familiyası ata-anasınıń qálewin esapqa almaǵan jaǵdayda berilgen bolsa, jınısı ózgertilgende.
Ólim haqqındaǵı akt jazıwına dúzetiwler kiritiw jaqın aǵayinleri yaki miyrasxorlardıń arzasına kóre PHAJ organı tárepinen ámelge asırıladı. Qaytıs bolǵan shaxslardıń tuwılǵanlıq, neke dúzilgenlik, nekeden ajırasqanlıq haqqında akt jazıwlarına dúzetiw hám qosımshalar sud qararına tiykar PHAJ organı tárepinen kiritiledi.
Ózbekstan Respublikasınıń shet elde turıwshı puqaralarınıń akt jazıwlarına ózgerisler, dúzetiwler hám qosımshalar kiritiw tuwrısındaǵı arzaları belgilengen tártipte Ózbekstan Respublikasınıń konsullıq mekemeleri tárepinen kórip shıǵıladı. Konsul tárepinen jiberilgen hújjetler tiykarında PHAJ organı arxivinde saqlanıp atırǵan akt jazıwlarına tiyisli ózgerisler, dúzetiwler hám qosımshalar kiritiledi.
Kegeyli rayonı ádillik bólimi
PHAJ bólimi baslıǵı
I.Erjanova