Янгиликлар
31
Jeke tártipte úy-jay qurıw ushın jer uchastkasın ajıratıw hám qurıw barısı menen baylanıslı mámleketlik xızmetin kórsetiw tártibi
Jeke tártipte úy-jay qurıw ushın jer uchastkasın ajıratıw hám qurıw barısı menen baylanıslı mámleketlik xızmetin kórsetiw tártibi
Puqaralarǵa úy-jay qurıw ushın jer uchastkaların realizatsiya etiw «E-aukcion» birden-bir aukcion elektron sawda platforması arqalı ámelge asırıladı. Jeke tártipte úy-jay qurıw ushın jer uchastkaların alıw maqsetinde puqaralar elektron onlayn aukcionda belgilengen tártiplerge muwapıq qatnasıwları múmkin boladı. Mámleketlik order aukcion jeńimpazı atına jer uchastkasın múlk huquqı tiykarında dizimnen ótkeriw ushın tiykar boladı hám mámleketlik orderdi beriw ushın mámleketlik bajı óndirilmeydi.
Jer uchastkasın ózbasımshalıq penen iyelew hám onda úy-jay qurıw nızamsız esaplanıp, bul ushın hákimshilik hám jınayıy juwapkershilikke tartılıw kórsetilgen. Ózbasımshalıq penen iyelengen jer uchastkalarına yáki huqıqtı belgilewshi hújjetlersiz paydalanılıp atırǵan jer uchastkalarına bolǵan huqıqlar mámleketlik dizimnen ótkerilmeydi. Úy-jaylarǵa bolǵan huqıqlardı dizimnen ótkeriw ushın Mámleketlik xızmetler oraylarına yáki my.gov.uz birden-bir interaktiv mámleketlik xızmetler portalı arqalı arza beriledi.
Jáne de kópshilik puqaralar tárepinen ózleri jasap turǵan eski úy-jayların buzıp, ornına tazasın qurıw yáki ámelde jasap turǵan úy-jayların ózgertip qosımsha qurılıs qurıw yáki ózine tiyisli bolǵan bos jer uchastkasına jańadan úy-jay qurıp bolǵannan keyin, usı úy-jayǵa nızamlı túrde hújjetlerdi rásmiylestiriwde bir-qatar mashqalalarǵa dus keledi. Bul halat óz gezeginde basqa da mashqalalardı keltirip shıǵaradı, máselen mámleketlik dizimnen ótpegen úy-jay nızamsız esaplanıp, bunday úy-jaydı aldı-sattı qılıw yáki miyras etip qaldırıw imkánı bolmaydı. Bunıń tiykarǵı sebebi, úy-jay qurıwdan yáki ámelde jasap turǵan úy-jayların ózgertip qosımsha qurılıs qurıwdan aldın bir neshe hújjetlerdi rásmiylestiriw zárúr. Eger qurılısı rejelestirilgen úy-jay 2 qabattan joqarı bolmasa (tsokoldı esapqa almaǵan halda), biyikligi jer júzesinen 12 metrden hám (yáki) ulıwma maydanı 500 kvadrat metrden artıq bolmasa úy-jaydıń proekt-smeta hújjetlerin rayon (qala) qurılıs hám úy-jay kommunal xojalıǵı bólimleri menen kelisiwleri talap etiledi. Eger qurılısı rejelestirilgen úy-jay 2 qabattan joqarı bolsa (tsokoldı esapqa almaǵan halda), biyikligi jer júzesinen 12 metrden hám (yáki) ulıwma maydanı 500 kvadrat metrden artıq bolsa arxitektura-rejelestiriw tapsırmasın (ART yáki APZ) islep shıǵıw, sol ART na tiykar úy-jaydıń proekt-smeta hújjetlerin islep shıǵıw hám proekt-smeta hújjetlerin qurılıs hám úy-jay kommunal xojalıǵı tarawında qadaǵalaw inspektsiyalarınan dizimnen ótkeriwleri lazım.
Nókis rayonı Ádillik bólimi
Mámleketlik xızmetler orayı qánigesi
Tatlımuratova Aygul