Янгиликлар
30
Shańaraq bekkemligi-jámiyetimiz negizi
Shańaraq bekkemligi-jámiyetimiz negizi
Qay waqitta da, shańaraqtaǵı ata-analar arasında qarım qatnas, múnásibetlerde tınısh-tatıwlıq hám awızbirshilik húkim surse, baxıtlı keleshek negizi nıǵayadı.Sebebi, shańaraqtıń uytqısı sanalatuǵın ata-analar bir-birin sıylap, xurmetlese ǵana, perzentleri baxıtlı balalıqtıń barlıq quwanıshların sezinip ósedi.
Haqıyqatın aytqanda, baxıtlı ata-analar baxıtlı balalardı ósirip tárbiyalaydı, bir-birine mehir qoyǵan ata-analardıń perzentleri de bir-birine miyrimli boladı. Nege degende, tınısh-tatıw shańaraqtı hesh qashan rısqı-nesiybe, bereket tark etpeydi. Al, shańaraqta ata-ana arasında óz-ara hurmet , sıylasıq bolmay jasasa, bul tárizde jaqsı jasaw mumkin emes shańaraq qanshama bekkem bolsa, jámiyette sonshama turaqlı boladı.Tek ǵana salamat shańaraq ortalıǵında xalqımızdıń erteńgi keleshegi qurıladı.
Shańaraq hár bir xalqtıń, millettiń izin jalǵastırıwshı, milliy qadriyatlarımızdıń rawajlanıwin támiynleytuǵın, jańa áwladtı dunyaǵa keltirip, onı ruxıy hám fizikalıq tárepten náwqıran etip tárbiyalaytuǵın, jámiyettiń tiykarǵı negizi esaplanatuǵın qasterli mákán bolıp tabıladı. Bul mákán puqaralıq jámiyettiń tayanısh qorǵanı desek qatelespeymiz.
Shańaraq tınıshlıǵı-taptırmaytuǵın baylıq. Onı qasterlewimiz tiyis. Sonlıqtan da ata-ananalar perzentleriniń kóz aldında daw-janjelge jol qoymaysa, uydegi gápti kóshege alıp shıqpasa, bunday sıylasıqlı shańaraq baxıtqa bólenedi.
Sońǵı jılları elimizde shańaraqtıń bekkemliligi, kelin-kúyewlerdiń baxıtlı, dúnyaǵa keletuǵın perzentlerdiń salamat bolıwın oylap, neke aldınan jaslardı medicinalıq tekseriwden ótkeriw eńgizildi. Bul ilajdıń keńnen engiziliwi keleshek áwladtıń baxtın oylap islengenliginen hámmemiz bilemiz.
Nókis rayon ádillik bólimi
PHAJ bólimi baslıǵı G.Doshanova