Янгиликлар
27
Múrájattı úyreniw baslı wazıypamız
Múrájattı úyreniw baslı wazıypamız
Kegeyli rayonı Ádillik bólimine usı jıldıń ótken dáwirinde puqaralar hám yuridikalıq shaxslardıń wákillerinen jámi 133 múrájatler kelip túsken bolıp márájatler mazmunı jaǵınan analizlengeninde, miynet nızamshılıǵı, pensiya napaqasın tayınlaw, miynet iskerligindegi ústeme pulların óndiriw, sociallıq qorǵaw hám basqada mazmundaǵı múrájatlerdi quraǵan.
Atap aytqanda puqara G.Sh tárepinen Ádillik bólimi baslıǵı atına jazǵan múrájatında 2023-jıl aprel ayında rayonlıq BTPQ bólimine arza menen múrájat etip pensiya tayınlawdı sorap qılǵan múrájatı boyınsha pensiya tayılawdan bas tartıw qararı alǵanlıǵı, BTPQ tárepinen tiykar etip miynet is stajı jetpegenligin bildirgen.
Úyreniwler dawamında rayonlıq BTPQ bólimi tárepinen puqara G.Shnıń pensiya tayınlawdı sorap qılǵan múrájati boyınsha bas tartıw qararı qabıl etilgenligi bunda Ózbekstan Respublikası “Puqaralardıń mámleket pensiya támiynatı haqqında”ǵı Nızamınıń 7,8,9,10,11,12,121, 13,14,37 hám 38-statyaları tiykar etilip miynet stajı minimal talap 7-jılǵa tolmawı kórsetip ótilgen.
Sonday-aq, puqaranıń miynet stajı boyınsha is hújjetleri úyrenilgeninde 11 jıl 4 ay 15 kúnlik miynet stajı bar ekenligi, bul stajlardan 4 jıl 5 ay 24 kúni mámleketlik qamsızlandırıw summaları tólenilmegenligi hám bala kútimi dáwiri bolǵanlıǵı sebepli esaplanılmaǵanlıǵı belgilengen.
Ózbekstan Respublikası Miynet Kodeksiniń 125-statyasında “Lazım dárejede tastıyıqlanǵan qaǵaz yaki elektron formadaǵı miynet dáptershesi xızmetkerdiń miynet stajın tastıyıqlawshı hám fiziykalıq shaxstıń miynet iskerligi haqqında verifikaciya qılınǵan maǵlıwmatlardı óz ishine alǵan tiykarǵı hújjet” ekenligi belgilep qoyılǵan.
Sonday-aq, kodekstiń 405-statyası hám nızamnıń 37-statyası “j” bándine tiykar bala 3 jasqa tolǵanǵa shekem bala kútimi dem alısında bolıw waqtı, lekin hámmesin jámlegende kóbi menen 6 jılı miynet stajına qosıp esaplanatuǵın miynet iskerligine kiritiliwi belgilengen.
Joqarıdaǵılarǵa kóre bólim tárepinen shıǵarılǵan usınısqa tiykar BTPQ Kegeyli rayonı bólimi tárepinen shıǵarılǵan bas tartıw qararı biykar etilip puqara G.Shǵa pensiya tayınlanıwı támiyinlendi.
Bólim baslǵı N.A.Kalimbetov