Янгиликлар
24
Elektron sanlı imzanı onlayn tárizde alıw múmkinbe?
Elektron sanlı imzanı onlayn tárizde alıw múmkinbe?
Búgingi kúnde mámleketlik xızmetleriniń derlik kópshiliginen paydalanıw ushın elektron múrájatlardı jiberiwde elektron sanlı imza talap etiledi. Bul boyınsha puqaralardan sorawlar kelip túspekte.
Soraw? Elektron sanlı imzanı onlayn tárizde alıw múmkinbe?
Juwap- Elektron sanlı imza sertifikatın onlayın tárizde alıwıńız ushın
e-imzo.uz portalınan tómendegi usıllarda alıwıńız múmkin
- elektron sanlı imza sertifikatın alıw ushın sorawnamanı toltırıw hám pasport nusqasın, sonday-aq pasporttıń aldı tárepi selfiy fotosúwretin qosımsha qılıw, (fotosúwrettiń kólemi 5 Mbtan aspawı kerek);
- xızmet ushın tólemdi ámelge asırıw, (imtiyazǵa iye bolǵanlardan tısqarı) yaǵnıy fizikalıq shaxslar ushın – bazalıq esaplaw muǵdarınıń 7 payızı, al yuridikalıq shaxslar ushın bazalıq esaplaw muǵdarınıń 10 payızı muǵdarında payme, (click, upay, paynet taǵı basqa usıllarda) tólew;
- sertifikat tayarlıǵı boyınsha SMS-xabarnamanı alǵannan keyin óz arzasın
e-imzo.uz saytında tabıw;
- elektron sanlı imza sertifikatı alınǵanlıǵın tastıyıqlaw hám onı kompyuterge júklew zárúr.
Demek, Siz joqarıdaǵı usıllardan paydalanǵan halda elektron sanlı imzanı alsańız Mámleketlik xızmetler orayına keliwińizge qájet bolmaydı.
A.K.Dauekeev, Kegeyli rayonı Ádillik bólimi,
Mámleketlik xızmetler orayı direktorı