Янгиликлар
23
Ayırım transportlardı basqarıw ushın aydawshılıq gúwalıǵı 2024-jıl 1-yanvarǵa shekem talap etilmeydi
Ayırım transportlardı basqarıw ushın aydawshılıq gúwalıǵı 2024-jıl 1-yanvarǵa shekem talap etilmeydi
Ózbekstan Respublikası Prezidentiniń 2023-jıl 11-may kúngi “Tovarlardı jetkerip beriw xızmetlerin jánede rawajlandırıwǵa qaratılǵan is-ilajlar haqqında”ǵı qararı qabıllandı usı qararǵa tiykar xızmet kórsetiw tarawın, atap aytqanda ulıwma awqatlanıw hám tovarlardı jetkerip beriw iskerligi menen shuǵıllanatuǵın kárxanalar iskerligin rawajlandırıw ushın zárúr shárt-shárayatlardı jaratıw maqsetinde eń joqarı konstruktiv tezligi saatına 50 kilometrden, kólemi 50 sm3 tan aspaytuǵın ishki janıw dvigateline iye bolǵan yamasa belgilengen quwatı 0,25 kilovattdan artıq hám 4 kilovattdan kem bolǵan elektr dvigateli eki yamasa úsh dóngelekli transport quralları, sonday-aq tap sonday xarakteristikalarǵa iye bolǵan moped, kvadricikl kvadrocikl, tricikl, skuter hám de joldıń qatnaw bóleginde háreketleniwge maslastırılǵan basqa mexanik úskenelerdi basqarıw ushın aydawshılıq gúwalıǵı bolıwı shártligi haqqındaǵı talap 2024-jıl 1-yanvarǵa shekem uzaytırıldı.
Usı qarar menen Ózbekstan Respublikası Prezidentiniń 2020-jıl 8-iyundaǵı “Isbilermenlik iskerligi hám ózin ózi bánt qılıwdı mámleket tárepinen tártipke salıwdı ápiwayılastırıw is-ilajları haqqında”ǵı PQ-4742-sanlı qararı qosımshanıń 23-bandi buyırtpa tiykarında tovarlardı jetkiziw (júk tasıw bunnan tısqarı) qatarlarına ózgertildi.
Endi buyırtpa tiykarında tovarlardı jetkerip beriw (júk tasıw bunnan tısqarı) ózin-ózi bánt etiw iskerlik túrine kirgizildi (aldın jeke transporttan paydalanıp, fizikalıq shaxslarǵa tovarlardı jetkerip beriw ózin-ózi bánt etiw iskerlik túri esaplanatuǵın edi.
Qońırat rayonı ádillik bólimi
yuridikalıq xızmet kórsetiw orayı
bas yuriskonsultı
Annarazov Ruslan Yuldashevich