Янгиликлар
23
Kegeyli rayonı ádillik bólimi, Mámleketlik xızmetler orayınıń búgingi kúndegi jetiskenlikleri
Kegeyli rayonı ádillik bólimi, Mámleketlik xızmetler orayınıń búgingi kúndegi jetiskenlikleri
Búgingi kúnde insan máplerin támiyinleu, xalıq penen birge bolıw, olardıń arzıw niyetleri xám ómirlik máselelerіnіń unamlı sheshim tabıwına úlken itibar berilmekte.
Bunıń ayqın dáliyli sıpatında rayon orayınan jáne bir kórkem, zamanagóylikti xám milliylikti ózinde sáwlelendirgen imárat yaǵnıy, Kegeyli rayonı Ádillik bólimi, Mámleketlik xızmetler orayı imáratı paydalanıwǵa tapsırıldı.
Bul jańadan boy tiklegen imáratta rayon kórkine kórk qosıp turǵan zamanagóy kóriniske iye bolǵan Kegeyli rayonı Ádillik bólimi, Mámleketlik xızmetler orayı jańa imáratınıń qurıp pitkeriliwi hám paydalanıwǵa tapsırılıwı qurılıs normalarına sáykes keliwi ásirese, imkániyatı sheklengen puqaralar ushın qolay shárt-sharayatlar jaratılǵanlıǵı, olardıń óz aldına múrájat etiw orınlarınıń shólkemlestirilgenligine ayrıqsha itibar qaratılǵan.
Mámleketlik xızmetler orayına múrájat etiwshiler ushın jańa imáratta elektron náwbetler qurılması, óz-ózine xızmetler kórsetiw ushın zamanagóy zona, medicina xanası hámde balalar maydanshası xanasıda orın alǵan.
Sonday-aq orayda házirgi kún talabına juwap beretuǵın sońǵı túrdegi kompyuter texnologiyalar hám ıqsham mebeller menen támiyinlengen bolıp, bul imáratta xalıkqa tez, ashıq, qolaylı hám sapalı mámleketlik xızmetlerin kórsetiw kórsetikishi elede artadı.
Bunday jaratılǵan keń imkániyatlar hámde qolaylıqlardıń nátiyjesinde mámleketlik xızmetler orayı xızmetkerleri jańa imáratta rayonnıń 74 mıńnan aslam xalqına kúnlik 300 den aslam mámleketlik xızmetlerdi kórsetiw múmkinshiligine iye.
Sonıń menen birge mámleketlik xızmetlerin kórsetiw tarawında olardıń sapası, tezligi, ashıqlılıǵı hám paydalanıw imkániyatın túpten asırıw arqalı «Xalıq mámleketlik uyımlarına emes, al mámleketlik uyımlar xalqımızǵa xızmet etiwleri kerek» degen ideyanı ámelge asırıw hámde mámleketlik xızmetleriniń hár bir túri boyınsha «Puqaralar emes, xújjetler háreketlenedi» principine muwapıq mámleketlik xızmetlerin kórsetiw mexanizimin, eń aldı menen, artıqsha tártip-qaǵıydalardı saplastırıw puqaralarǵa qolaylıq jaratıw maqsetinde olardıń jasap turǵan orınlarına, sonıń ishinde alıs aymaqlarǵa shıǵıw arqalı kóshpeli mámleketlik xızmetlerdi kórsetiwde Mámleketlik xızmetler orayı arnawlı avtotransport penen támiyinlengen.
Bunday unamlı háreketler nátiyjesinde Kegeyli rayonı Ádillik bólimi, mámleketlik xızmetler orayı tárepinen ámelge asırılǵan jumıslar, tájriybe hám úyrenilgen ámeliyatlar xalqımızǵa tez hám sapalı mámleketlik xızmetlerin kórsetiwde óz nátiyjesin beriwi anıq.
Bir sóz benen aytqanda rayon xalqı bul tarawda jaratılıp atırǵan qolaylıqlar hámde keń imkániyatlardan mine usınday zamanagóy imáratlarda paydalanıw imkániyatına iye boldı.
S.S.Otegenov, Kegeyli rayonı
Ádillik bólimi, Mámleketlik
xızmetler orayı bólim baslıǵı