Янгиликлар
21
Insan huqıqları tarawında mámleketimiz tárepinen ámelge asırılıp atırǵan jumıslar
Insan huqıqları tarawında mámleketimiz tárepinen ámelge asırılıp atırǵan jumıslar
Insan huqıqları - bul insannıń tuwılǵanınan ómiriniń aqırına shekem beriletugın huqıq hám erkinlikler bolıp tabıladı.. Insan huqıqları jasaw huqıqı sıyaqlı eń tiykarǵı huqıqlardan baslap múnásip turmıs tárizin támiyinlewge xızmet etetuǵın tálim alıw, miynet qılıw yamasa social támiynat alıw sıyaqlı huqıqlarına shekem barlıq huqıqlardı óz ishine aladı.
1948-jılda BMT Bas Assambleyası tárepinen qabıl etilgen Insan huqıqları umumjahan deklaraciyası ǵalabalıq qorǵalatuǵın tiykarǵı insan huqıqların belgileytuǵın birinshi yuridikalıq hújjet boldı.
Puqaralıq hám siyasiy huqıqlar tuwrısındaǵı xalıq aralıq pakt (1966 ) hám Ekonomikalıq, social hám materiallıq huqıqlar tuwrısındaǵı xalıq aralıq pakt (1966) menen birgelikte Insan huqıqları boyınsha xalıq aralıq billdi quraydı.
Ózbekstan Respublikası Konstituciyasınıń Ekinshi bólimi 19-stat'yasında Ózbekstan Respublikasında insannıń huqıq hám erkinlikleri xalıq aralıq huqıqtıń tán alınǵan normalarına tiykarlanıp hám Konstituciyaga muwapıq tán alınadı hám kepillik beriledi. Insan huqıq hám erkinlikleri hár kimge tuwılganınan baslap tiyisli boladı.
Ózbekstan Respublikasında barlıq puqaralar birdey huqıq hám erkinliklerge iye bolıp, jınısı, rasası, milleti, tili, dini, isenimi, sociallıq shıǵısı, jamiyettegi ornına qaramastan nızam aldında teń.
Ózbekstan Respublikası Konstituciyasınıń 20-stat'yasında Insannıń Konstituciya hám nızamlarda bekkemlenip qoyılǵan huqıq hám erkinliklerine qol qatılmaydı hám de olardan sudtıń sheshimisiz ayırıwga yamasa olardı sheklep qoyıwǵa hesh kimniń haqısı joq dep kórsetilgen.
Insan menen mámleket shólkemleriniń óz-ara katnasıqlırında júzege keletuǵın nızamshılıqtaǵı barlıq qarama-qarsılıqlar hám anıqsızlıklar insan paydasına sheshiledi.
Insan óz huqıq hám erkinliklerin ámelge asırıwda basqa adamlardıń, jámiyet hám de mámlekettiń huqıqları, erkinlikleri hám nızamlı máplerine ziyan tiygizbewi shárt.
Qońırat rayonı ádillik bólimi
yuridikalıq xızmet kórsetiw orayı
bas yuriskonsul'ti M.Seytbayeva