Янгиликлар
21
Ayrım túrdegi maǵlıwmatnamalar hám hújjetlerdi talap etiw biykarlandı
Ayrım túrdegi maǵlıwmatnamalar hám hújjetlerdi talap etiw biykarlandı
Ózbekstan Respublikası Prezidentiniń 2021-jıl 24-iyul sánesindegi “Mámleketlik xızmetlerdi kórsetiw infradúzilmesin jetilistiriw hám xalıqtıń mámleketlik xızmetlerden paydalanıw imkaniyatların keńeyttiriw is-ilajları haqqında”ǵı PP-6269-sanlı Pármanına tiykar 2022-jıl 1-yanvardan baslap mámleketlik shólkemler tárepinen xalıqtan, sonday-aq isbilermenlik subektlerinen:
a) tómendegi faktlerdi tastıyıqlaytuǵın maǵlıwmatlardı:
-isbilermenlik subekti mámleketlik dizimnen ótkerilgenligi haqqındaǵı gúwalıq maǵlıwmatların;
-licenziya, ruxsat etiwshi hújjetler hám xabarnamalar qabıl etilgenligi tuwrısında tastıyıqnama bar ekenligi boyınsha maǵlıwmatlardı;
-mámleketlik baji, jıyımlar hám basqa tólemler tólengenligi tuwrısındaǵı maǵlıwmatlardı;
-qımbat bahalı qaǵazlar, qımbat bahalı qaǵazlar menen ámelge asırılǵan operaciyalar, dividendler alınǵanlıǵı tuwrısındaǵı maǵlıwmatlardı;
-kem támiyinlengen shańaraq yamasa shańaraq aǵzası retinde dizimge alınǵanlıǵı tuwrısındaǵı maǵlıwmatlardı;
-fizikalıq shaxslar tárepinen tólengen hám alınǵan alimentler tuwrısındaǵı maǵlıwmatlardı;
-joqarı maǵlıwmat tuwrısındaǵı diplom maǵlıwmatların;
-orta arnawlı, kásip-óner bilimlendiriw shólkemin tamamlaǵanlıǵı haqqında maǵlıwmatlardı;
-ulıwma orta bilim beriw (11-klass negizinde) shólkemin tamamlaǵanlıǵı haqqında maǵlıwmatlardı;
-puqara “Jaslar dápteri” yamasa “Hayallar dápteri”nde bar ekenligi tuwrısında maǵlıwmatlardı;
-ózin ózi bánt etken shaxslar tuwrısında maǵlıwmatlardı;
-joqarı oqıw orınlarına oqıwǵa kiriw ushın jeńillikke iye bolǵan abiturientlerdiń jeńillik huqıqın tastıyıqlaytuǵın hújjet tuwrısında maǵlıwmatlardı;
b) tómendegi hújjetlerdi :
-finanslıq esabatlar nusqaların;
-fizikalıq shaxslardıń aqırǵı 12 aydaǵı miynet haqın tastıyıqlaytuǵın maǵlıwmatnamalardı;
-napaqa hám pensiyalar tólengenligi tuwrısındaǵı maǵlıwmatnamalardı talap etiw biykar etiledi.
2021-jıl 1-noyabrden baslap: «Birden-bir sociyallıq reestr» maǵlıwmatlar bazasıda dizimge alınǵan shaxslarǵa, sonday-aq, I hám II topar nagiranlıǵı bolǵan shaxslarǵa mámleketlik xızmetleri orayları ham Birden bir interaktiv mámleketlik xızmetler portalı (BIMXP) arqalı orqali mámleketlik xızmetlerin kórsetiwde nızamshılıq hújjetlerinde belgilengen mámleketlik bajları, jıyımlar hám basqa hár qanday tólemler boyınsha 50 payız muǵdarda shegirme qollanıladı (isbilermenlik iskerligi maxsetlerinde yaki yuridikalıq shaxslar wakili sıpatında múrájat etken halatlardan tısqarı)
Sonday-aq pármanǵa kóre mámleketlik uyımlar hám shólkemler mámleketlik xızmetlerdi kórsetiwde, jumısqa qabıllaw processinde hám basqa da basqarıw tártip-dástúrlerin ámelge asırıwda joqarıdaǵı hújjet hám maǵlıwmatlardı belgilengen juwapker mámleketlik uyımlar hám shólkemlerden ǵárezsiz túrde “Elektron húkimet” sistemasın mákemeler ortasında integraciyalaw platforması arqalı sorap alatugınlıǵı kórsetilgen, biraq ayrım mákeme hám shólkemler tárepinen joqarıdaǵı maǵlıwmatnamalardı puqaradan talap etiw jaǵdayları elege shekem dawam etpekte. Bul bolsa óz gezeginde puqaralardıń artıqsha waqıtları sarıplanıwına sebep bolmaqta. Solay eken bársheni puqaralardı artıqsha áwere qılmay Párman orınlanıwın táymiynlewge shaqırıp qalamız.
Shomanay rayonı ádillik bólimi
mámleketlik xızmetler orayı direktorı
Dawletmuratov Bahadir Erpolatovich