Янгиликлар
21
Jınayatshılıqtıń aldın alıw hám jınayıy sudlaw salasında hayallarǵa qarata zorlıqtı saplastırıw boyınsha úlgili strategiyalar hám ámeliy ilajlar
Jınayatshılıqtıń aldın alıw hám jınayıy sudlaw salasında hayallarǵa qarata zorlıqtı saplastırıw boyınsha úlgili strategiyalar hám ámeliy ilajlar
Búgingi kúnde mámleketimizde jınayatshılıqtıń aldın alıw, jámiyetimizdegi hayal-qızlardıń húqıqları, erkinlikleri, nızamlı máplerin qorǵaw boyınsha bir qansha normativ huqıqıy hújetler qabıl etildi. Máselen, Ózbekstan Respublikasınıń tiykarǵı bas nızamımız bolǵan Konstitutsiyamızda belgilep qoyılǵan, yaǵnıy Konstitutsiyanıń 58-statyasında Hayal-qızlar hám erler teń húqıqlı, Mámleket hayal-qızlar hám erlerge jámiyette hámde mámleket islerin basqarıwda, sonday aq jámiyet hám mámlekettiń basqa tarmaqlarında teń huqıq hám imkaniyatların támiyinleydı dep belgilep qoyılǵan. Bunnan basqada Ózbeksan Respublikasınıń «Hayal-qızlardı qıynaw hám zorlıqtan qorǵaw haqqında» 2019-jıl 2-sentyabrdegi ÓRN-561-sanlı nızamı qabıl etildi.
Bul nızamda hayal qızlar ózine qısım, qıynaw, basım hám zorlıq ámelge asırılǵanın yaması olardı júzege keltiriw qáwpi haqqında arza menen tiyisli wákillikli organlarǵa hámde shólkemlerge yamasa sudqa múraajat etiw huqıqına iye ekenligi belgilep berilgen.
Tiyisli aymaqta basım hám zorlıqtıń jeke tártiptegi profilaktikasın ámelge asırıw ushın juwapker bolǵan ishki isler organınıń lawazımı shaxsı basım hám zorlıq faktı yaki olardı islew qáwpi anıqlanǵan waqıttan baslap 24 saat ishinde qorǵaw orderin otız kún múddetke shekem beredi hám usı order rásmiystirilgen waqıttan baslap kúshke kiretuǵını belgilengen.
Saylaw huqıqların ámelge asırıwda hayal-qızlar hám er adamlar ushın teń huqıqlılıǵı, yaǵnıy, hayal-qızlar hám er adamlar húkimet wákillik shólkemlerine saylaw hám saylanıwıda teń huqıqlarǵa iye ekenligi belgilengen.
Sonıń menen birge Ózbekstan Respublikası Nızamshılıq palatası tárepinen 2023-jıl 17-yanvarda qabıl etilgen, senat tárepinen 2023-jıl 6-aprelde maqullanǵan 2023-jıl 16-iyun kúngi ORN 848-sanlı Mámleket esabınan yuridikalıq járdem kórsetiw haqqindaǵı Ózbekstan Respublikasınıń nızamındada Gender teńligi buzılıwı menen baylanıslı islerdi sudda kórip shıǵıwda hayallarǵa advokatlar tárepinen kórsetiletugın yuridikalıq xızmet ushın aqsha mámleket tárepinen qaplanıp beriliwi názerde tutılǵan.
Ózbekstan Respublikası Prezidentiniń «2022-2026-jıllarǵa mólsherlengen taraqqiyot straegiyası haqqında»ǵı 2022-jıl 28-yanvar kúngi PP-60-sanlı Pármanınıń 69-maqsetinde Hayal-qızlardı qollap-quwatlaw, olardıń jámiyet turmısındaǵı aktiv iskerligin támiyinlew, aymaqlarda, ásirese, awıllarda hayal-qızlarǵa kórsetiletuǵın medicinalıq-sociyallıq xızmetler sapasın, olar ortasında salamat turmız tárizin támiyinlew, turaq jayǵa zárúr hayal-qızlardı úy-jay menen támiyinlew turmıs hám miynet shárayatın jaqsılaw, dáramatların kóbeytiw hám basqada is ilajlar belgilengen.
Hayal-qızlardım húqıqıların, erkimliklerin hámde nızamlı máplerin isenimli qorǵaw ushın sistemasın jánede jetilistiriw usnıń Ózbekstan Respublikası Nızamlarına qosımshalar hám ózgrisler kiritilgen, yaǵnıy Ózbekstan Respublikası Jınayat kodeksine, Hákimshilik juwapkelrshilik haqqınba kodekslerinde juwapkershilikler belhilengen.
Bul nızamlar hayal-qızlardıń húqıqıların, erkimliklerin hámde nızamlı máplerin basım hám zorlıqtan qorǵaw mexanizimleri tártipke salınıp, olardıń huqıqıların qoǵalıwı arqalı turmıs jaǵdayın jaaqsıwǵa qaratıllǵan.
Taxtakópir rayonı Yuridikalıq xızmet kórsetiw
oray bas yuriskonsultı D.A.Shaxanov