Янгиликлар
05
“Hayallar dápteri”ne kimler kirgiziledi?
“Hayallar dápteri”ne kimler kirgiziledi?
Sońǵı jıllarda mámleketimizde xalıqtı, sonday-aq, hayal-qızlardı social qorǵawǵa, mútáj, turmıs sharayatı awır, jumıssız hám kásip-ónerge iye bolmaǵan, huqıqıy hám ruwxıy-psixologiyalıq qollap-quwatlawǵa zárúrshiligi bolǵan puqaralarǵa mámleket tárepinen mánzilli kómeklesiw boyınsha ulıwma jańasha sistema engizildi.
Ózbekistan Respublikası Ministrler Kabinetiniń 2022-jıl 31-mart kúngi “Hayal-qızlar mashqaların úyreniw hám sheshimin tabıw sistemasın jánede jedellestiriw Is-ilájlar haqqında”ǵı 145-san qararı qabıl etildi.
Usı qaraǵa tiykar bul jóneliste sociyal, ekonomikalıq, huqıqıy, psixologiyalıq qollap-quwatlawǵa, bilim hám kásip úyreniwge mútajligi hám qızıǵıwshılıǵı bolǵan jumıssız hayal-qızlardıń máselelerin anıqlaw, saplastırıw hám qadaǵalawın alıp barıw boyınsha ulıwma jańa «Hayallar dápteri» sisteması turmısqa qollanıw engizildi.
«Hayallar dápteri»ne 30 jastan asqan tómendegi taypadaǵı hayal-qızlar kiritiledi:
social qorǵawǵa mútáj jumıssız hayal-qızlar, bántdligi támiyinlenbegen jumıs islew niyetinde bolǵan hám dáramat dáregine iye bolmaǵan mútajligi bar
hayal-qızlar;
isbilermenlik penen shuǵıllanıw niyetinde bolǵan mútajligi bar hayal-qızlar;
baǵıwshısı bolmaǵan mútajligi bar hayal-qızlar, jazanı ótew mákemelerinde jazasın ótep atırǵan, ruxıy keseliike shalınǵan,
I-II topar mayıplıǵı bolǵan hám de turaqlı dáramat dáregine iye bolmaǵan, biydárek joǵalǵan (sud sheshimine tiykarınan) mútajligi bar hayal-qızlar, sonıń menen birge nekesi biykar etilgen mútajligi bar hayal-qızlar hám jalǵız analar (FHDYo organlarınıń málimlemesi tiykarında);
social járdemge mútáj I-II gruppa mayıplıǵı bolǵan, sonıń menen birge, medicinalıq emleniwge mútajligi bar hayal-qızlar, miynetke jaramsız, ózgeler kútimine sonıń menen birge medicinalıq emleniwge mútajligi bar hayal-qızlar; turaq-jayǵa mútajligi bar hayal-qızlar, noturar jaylarda jasap atırǵan, barqulla jasaw ushın turar jayı bolmaǵan, bir shańaraqta (kishi háwlide) úsh hám onnan artıq shańaraq aǵzaları menen jasap atırǵan (turaq-jay maydanı belgilengen normadan kem bolǵan), biraq óziniń yamasa birgelikte jasawshı shańaraq aǵzalarınıń atında turar jayı bolmaǵan, jeke menshik uy-jay fondında ijara huqıqı tiykarında jasap atırǵan mútajligi bar hayal-qızlar;
qaramaǵında mayıplıǵı bolǵan perzentin tárbiyalap atırǵan hayal-qızlar, mayıplıǵı bolǵan jas óspirim (I gruppa mayıplıǵı bolǵan perzenti jasına qaramastan) perzentin jalǵız ózi tarbiyalap atırǵan mútajligi bar hayal-qızlar kirgiziledi.
Bunda «Hayallar dápteri» dizimine kirgiziletuǵın hayal-qızlar joqarıdaǵı taypalardan tek birewine kiritiliwi múmkin.
«Hayallar dápteri»ne hayal-qızlar jasap atırǵan mánzili boyınsha kiritiledi, bunda hayal-qızlardıń jasaw mánzili boyınsha turaqlı yamasa waqtınsha dizimde turmaǵanlıǵı «Hayallar dápteri»ne kiritilmewge tiykar esaplanbaydı.
Qońırat rayonı Ádillik
bólimi Yuridikalıq xızmet
kórsetiw orayı baslıǵı
Kaliev Aydos Qazaxbaevich